|
|
 |
| (GMT+08:00)
2006-11-24 18:03:26
|
 |
|
ທ່ານຫູຈິນທ່າວເຈລະຈາກັບປະທານາທິບໍດີປາກິສະຖານ
cri
ຕາມຂ່າວCRI,ວັນທີ24ພະຈິກນີ້,ຢູ່ທີ່ອິດສລາມບັດສ໌,ທ່ານຫູຈິນທ່າວ ປະທານປະເທດຈີນໄດ້ເຈລະຈາກັບທ່ານເພີເວີສ ມູສະຣັຟ ປະທານາທິບໍດີປາກິສະຖານ.ສອງຝ່າຍໄດ້ແລກປ່ຽນຄວາມຄິດຄວາມເຫັນຢ່າງເຕັມສ່ວນກ່ຽວກັບບັນຫາຕ່າງໆ,ເຊັ່ນ ປັບປຸງແລະຍົກລະດັບການພົວພັນດ້ານການເມືອງລະຫວ່າງຈີນປາກິສະຖານຕື່ມອີກ,ເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງຝ່າຍໃນຂົງເຂດຕ່າງໆແລະເຮັດໃຫ້ການພົວພັນຄູ່ຮ່ວມມືຍຸດທະສາດກ້າວສູ່ລວງເລິກເປັນຕົ້ນ.
ມື້ດຽວກັນ,ທ່ານຫູຈິນທ່າວແລະທ່ານມູສະຣັຟຍັງໄດ້ເຂົ້າຮ່ວມພິທີລົງນາມໃນ"ສັນຍາການຄ້າເສລີຈີນປາກິສະຖານ".ສອງຝ່າຍເປັນເອກະສັນກັນກ່າວວ່າ,ນີ້ມີຄວາມໝາຍສຳຄັນຕໍ່ການຍົກລະດັບການຮ່ວມມືດ້ານເສດຖະກິດການຄ້າ.ສັນຍາດັ່ງກ່າວແມ່ນສັນຍາການຄ້າເສລີສະບັບທຳອິດທີ່ຈີນເຊັນກັບປະເທດອາຊີໃຕ້,ເປັນຂີດໝາຍສະແດງໃຫ້ເຫັນວ່າການເຈລະຈາລະຫວ່າງສອງປະເທດກ່ຽວກັບເຂດການຄ້າເສລີໄດ້ຮັບຜົນສຳເລັດ.
ວັນທີ23ພະຈິກນີ້,ທ່ານຫູຈິນທ່າວໄດ້ເດີນທາງໄປຮອດນະຄອນອິດສລາມບັດສ໌ເລີ່ມ ຢາມປາກິສະຖານທາງລັດຖະກິດ.ເມື່ອຮອດເດີ່ນຍົນແລ້ວ,ທ່ານຫູຈິນທ່າວໄດ້ກ່າວຄຳປາໄສທາງລາຍລັກອັກສອນວ່າ,ແຕ່ຈີນປາກິສະຖານສ້າງສາຍສຳພັນທາງການທູດ55ປີມານີ້,ເມື່ອມີລັດຖະບານທັງສອງປະເທດແລະປະຊາຊົນສອງຊາດພ້ອມກັນພະຍາຍາມແລ້ວ,ຈີນກັບປາກິສະຖານໄດ້ຜູກມິດຕະພາບ,ແລະຮ່ວມມືຮອບດ້ານ.ປະຫວັດສາດຢັ້ງຢືນວ່າ,ມິດຕະພາບຈີນປາກິສະຖານສອດຄ່ອງກັບຜົນປະໂຫຍດກົກຮາກແລະຄວາມປາຖະໜາຮ່ວມຂອງສອງປະເທດແລະປະຊາຊົນສອງຊາດ,ແລະມີຜົນດີຕໍ່ສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນນີ້.
|
|
|
