|
|
 |
| (GMT+08:00)
2006-11-24 18:40:49
|
 |
|
ທ່ານຫູຈີນທ່າວເຈລະຈາກັບປະທານາທິບໍດີປາກິສະຖານ
cri
Author: cai
ຕາມຂ່າວCRI:ວັນທີ 24 ພະຈິກ,ຢູ່ອິສລາມາບັດ,ທ່ານຫູຈີນທ່າວ ປະທານປະເທດຈີນໄດ້ເຈລະຈາກັບທ່ານມູຊາລັຟ ປະທານາທິບໍດີປາກິສະຖານ.ສອງຝ່າຍກ່າວເປັນເອກະສັນກັນວ່າ,ຈະພະຍາຍາມພ້ອມກັນ,ເພີ່ມເນື້ອໃນຂອງການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ,ລົງເລິກແລະເປີດກວ້າງການຮ່ວມມືທີ່ຕິດແທດຕົວຈິງແລະຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆ.
ທ່ານຫູຈີນທ່າວຊີ້ອອກວ່າ,ປະຈຸບັນ,ໃຕ້ເບື້ອງຫຼັງທີ່ສະຖານະການສາກົນແລະພາກພື້ນເກີດມີການປ່ຽນແປງຢ່າງເລິກເຊິ່ງ,ຈີນປາກິສະຖານປັບປຸງມິດຕະພາບທີ່ມີມູນເຊື້ອ ລົງເລິກການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຕື່ມອີກນັ້ນ,ສອດຄ່ອງກັບຜົນປະໂຫຍດກົກຮາກຂອງປະຊາຊົນສອງຊາດ,ທັງມີຜົນດີຕໍ່ການປົກປັກຮັກສາສັນຕິພາບແລະສະຖຽນລະພາບຂອງພາກພື້ນແຫ່ງນີ້.
ທ່ານຫູຈີນທ່າວໄດ້ສະເໜີຂໍ້ສະເໜີ 5 ຂໍ້ກ່ຽວກັບການເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງຈີນປາກິສະຖານດັ່ງນີ້:ເປີດກວ້າງການໄປມາຫາສູ່ກັນຢ່າງມີໄມຕີຈິດໃນທຸກລະດັບ ລົງເລິກດຳເນີນການຮ່ວມມືດ້ານເສດຖະກິດການຄ້າທີ່ຕ່າງຝ່າຍຕ່າງມີຜົນປະໂຫຍດ ຊຸກຍູ້ການແລກປ່ຽນໃນຂົງເຂດວັດທະນະທຳ ລົງເລິກດຳເນີນການຮ່ວມມືໃນຂົງເຂດຕ້ານການກໍ່ການຮ້າຍ ເພີ່ມທະວີການປະສານງານແລະປະສານສົມທົບໃນຂົງເຂດຫຼາຍຝ່າຍ.
ທ່ານມູຊາລັຟກ່າວວ່າ,ຫວັງໃຫ້ປາກິສະຖານຈີນເພີ່ມທະວີການຮ່ວມມືໃນຂົງເຂດຕ່າງໆເຊັ່ນການກໍ່ສ້າງພື້ນຖານໂຄງລ່າງແລະບໍ່ແຮ່ເປັນຕົ້ນ,ປະຕິບັດສັນຍາການຄ້າເສລີໃຫ້ດີ;ອອກແຮງສຸດຂີດຊຸກຍູ້ການຮ່ວມມືດ້ານວັດທະນະທຳແລະການທ່ອງທ່ຽວ,ເພີ່ມທະວີການໄປມາຫາສູ່ກັນ,ໂດຍສະເພາະແມ່ນການແລກປ່ຽນລະຫວ່າງຊາວໜຸ່ມ;ປັບປຸງການຮ່ວມມືໃນອົງການຈັດຕັ້ງສາກົນແລະພາກພື້ນໃຫ້ໝັ້ນຄົງ;ເພີ່ມທະວີການຮ່ວມມືໃນຂົງເຂດຕ້ານການກໍ່ການຮ້າຍ,ໂຈມຕີລັດທິກໍ່ການຮ້າຍຢ່າງເດັດຂາດ.
ທ່ານຫູຈີນທ່າວກ່າວວ່າ,ຝ່າຍຈີນຂອບອົບຂອບໃຈນຳຝ່າຍປາກິສະຖານທີ່ໄດ້ໃຫ້ການສະໜັບສະໜູນອັນລ້ຳຄ່າແກ່ຝ່າຍຈີນໃນບັນຫາຕ່າງໆເຊັ່ນບັນຫາໄຕ້ຫວັນ ບັນຫາຕິເບດ ບັນຫາສິດທິມະນຸດແລະການໂຈມຕີອິດທິກຳລັງກໍ່ການຮ້າຍເປັນຕົ້ນໃນເວລາດົນນານມານີ້.ຝ່າຍຈີນຈະເຮັດຄືແຕ່ເກົ່າເມືອຫຼັງສະໜັບສະໜູນຄວາມພະຍາຍາມຂອງປາກິສະຖານໃນການປົກປັກຮັກສາເອກະລາດ ອະທິປະໄຕແຫ່ງຊາດແລະຜືນແຜ່ນດິນອັນຄົບຖ້ວນ.
|
|
|
