|
ຕາມຂ່າວCRI,ວັນທີ24ພະຈິກນີ້ຢູ່ອິດສຣາມບັດສ໌,ທ່ານຫູຈິນທ່າວ ປະທານປະເທດຈີນເຈລະຈາກັບທ່ານເພີເວີສ ມູສະລັຟ ປະທານາທິບໍດີປາກິສະຖານ.ສອງຝ່າຍກ່າວເປັນເອກະສັນກັນວ່າຈະພ້ອມກັນພະຍາຍາມເຮັດໃຫ້ການພົວພັນຄູ່ຮ່ວມມືຍຸດທະສາດມີເນື້ອໃນຫຼາຍຂຶ້ນ,ແລະເຮັດໃຫ້ການຮ່ວມມືທີ່ຕິດແທດຕົວຈິງແລະຕ່າງຝ່າຍຕ່າງມີຜົນປະໂຫຍດກ້າວສູ່ລວງເລິກແລະລວງກວ້າງກວ່າເກົ່າ.
ທ່ານຫູຈິນທ່າວໄດ້ສະເໜີຂໍ້ສະເໜີ5ຂໍ້ກ່ຽວກັບການເພີ່ມທະວີການພົວພັນຄູ່ຮ່ວມມືຍຸດທະສາດຈີນປາກິສະຖານ.
ທ່ານມູສະຣັຟກ່າວວ່າ,ຫວັງໃຫ້ປາກິສະຖານກັບຈີນເພີ່ມທະວີການຮ່ວມມືໃນຂົງເຂດຕ່າງໆ,ເຊັ່ນ,ການກໍ່ສ້າງພື້ນຖານໂຄງລ່າງ,ບໍ່ແຮ່,ວັດທະນະທຳ,ການທ່ອງທ່ຽວແລະຂົງເຂດຕ້ານການກໍ່ການຮ້າຍເປັນຕົ້ນ,ປັບປຸງການຮ່ວມມືໃນອົງການຈັດຕັ້ງສາກົນກໍຄືຂອງພາກພື້ນ.
ໃນກອງປະຊຸມຂ່າວທີ່ຮ່ວມກັນຈັດຂຶ້ນພາຍຫຼັງການເຈລະຈາ,ທ່ານຫູຈິນທ່າວກ່າວວ່າ,ຈີນຍິນດີພ້ອມກັບປາກິສະຖານພະຍາຍາມຊຸກຍູ້ການພົວພັນຄູ່ຮ່ວມມືຍຸດທະສາດຈີນປາກິສະຖານກ້າວຂຶ້ນສູ່ລະດັບໃໝ່.ຈີນຊົມເຊີຍແລະສະໜັບສະໜູນປາກິສະຖານກັບອິນເດຍແກ້ໄຂຄວາມເຫັນທີ່ຂັດກັນດ້ວຍການເຈລະຈາໂດຍສັນຕິ,ຍິນດີເສີມຂະຫຍາຍບົດບາດທີ່ມີລັກສະນະສ້າງສັນເພື່ອສັນຕິພາບ ສະຖຽນລະພາບແລະການພັດທະນາຂອງພາກພື້ນອາຊີໃຕ້.
ມື້ດຽວກັນ,ທ່ານຫູຈິນທ່າວແລະທ່ານມູສະຣັຟໄດ້ເຂົ້າຮ່ວມພິທີລົງນາມໃນສັນຍາການຄ້າເສລີຈີນປາກິສະຖານ.
|
