|
|
 |
| (GMT+08:00)
2006-11-29 19:03:41
|
|
ສະພາແຫ່ງຊາດຫວຽດນາມຮັບຮອງອະນຸສັນຍາກ່ຽວກັບຫວຽດນາມເຂົ້າເປັນສະມາຊິກອົງການການຄ້າໂລກ
cri
ຕາມຂ່າວສານຊິນຮວາ: ວັນທີ 28 ພະຈິກນີ້,ສະພາແຫ່ງຊາດຫວຽດນາມໄດ້ຮັບຮອງອະນຸສັນຍາກ່ຽວກັບຫວຽດນາມເຂົ້າເປັນສະມາຊິກອົງການການຄ້າໂລກ.ອີກ 30 ມື້,ຫວຽດນາມຈະກາຍເປັນສະມາຊິກທາງການຂອງອົງການການຄ້າໂລກ.
ຂ່າວແຈ້ງວ່າ,ໃນກອງປະຊຸມຂອງສະພາແຫ່ງຊາດຫວຽດນາມທີ່ຈັດຂຶ້ນໃນມື້ດຽວກັນ,ທ່ານຫງວຽນມິນຈຽດ ປະທານປະເທດຫວຽດນາມໄດ້ສະເໜີຕໍ່ສະພາແຫ່ງຊາດຮັບຮອງຫວຽດນາມເຂົ້າເປັນສະມາຊິກອົງການການຄ້າໂລກ,ທ່ານຕວງດິນຕວນ ລັດຖະມົນຕີວ່າການກະຊວງການຄ້າໄດ້ລາຍງານຜົນການເຈລະຈາກ່ຽວກັບຫວຽດນາມເຂົ້າເປັນສະມາຊິກອົງການການຄ້າໂລກ.ໃນທີ່ສຸດ,ກອງປະຊຸມໄດ້ຮັບຮອງມະຕິກ່ຽວກັບຫວຽດນາມເຂົ້າເປັນສະມາຊິກອົງການການຄ້າໂລກ.
ຕາມຮູ້ວ່າ,ອະນຸສັນຍາລວມທັງຄຳໝັ້ນສັນຍາຂອງຫວຽດນາມໃນຂົງເຂດສິນຄ້າ ການຄ້າແລະການບໍລິການເປັນຕົ້ນ,ພ້ອມດ້ວຍລາຍງານຂອງໜ່ວຍງານກ່ຽວກັບຫວຽດນາມເຂົ້າເປັນສະມາຊິກອົງການການຄ້າໂລກ.
|
|
|
