|
ທ່ານອານນານເຫັນດີເຫັນພ້ອມໃຫ້ຊີເຣຍແລະອີຣານເຂົ້າຮ່ວມການແກ້ໄຂບັນຫາອີຣັກ
cri
ຕາມຂ່າວCRI,ວັນທີ28ພະຈິກນີ້,ຢູ່ນະຄອນຫຼວງເຕເຮລານ,ໃນເວລາພົບປະກັບທ່ານຈາລານ ທາລາບານີ ປະທານາທິບໍດີອີຣັກທີ່ມາຢ້ຽມຢາ,ທ່ານອາລີ ຮາເມເນອີ ຜູ່ນຳສູງສຸດຂອງອີຣານກ່າວວ່າ,ບັນຫາຄວາມປອດໄພແມ່ນບັນຫາໜັກໜ່ວງທີ່ສຸດທີ່ອີຣັກປະເຊີນໃນປັດຈຸບັນ,ອີຣານຕ້ອງການອີຣັກທີ່ມີຄວາມປອດໄພ ການພັດທະນາແລະຄວາມຈະເລີນຮຸ່ງເຮືອງ,ຖ້າວ່າລັດຖະບານອີຣັກສະເໜີຄວາມຮຽກຮ້ອງແລ້ວ,ອີຣານຈະອອກແຮງສຸດຂີດຊ່ອຍເຫຼືອອີຣັກຟື້ນຟູຄວາມສະຖຽນລະພາບ.
ວັນທີ28ພະຈິກນີ້,ຢູ່ທີ່ນີວຢອກ,ທ່ານອານນານເລຂາທິການໃຫຍ່ສະຫະປະຊາຊາດກ່າວວ່າ,ທ່ານເຫັນວ່າຊີເຣຍແລະອີຣານຄວນເສີມຂະຫຍາຍບົດບາດໃນການແກ້ໄຂບັນຫາອີຣັກ,ທ່ານໄດ້ສະເໜີໃຫ້ອາເມລິກາໃຫ້ຊີເຣຍແລະອີຣານເຂົ້າຮ່ວມການແກ້ໄຂບັນຫາອີຣັກພ້ອມທັງຫາບແບກໜ້າທີ່ທີ່ກ່ຽວຂ້ອງ.
ມື້ດຽວກັນ,ໂດຍຕອບສະໜອງຄວາມຮຽກຮ້ອງຂອງລັດຖະບານອີຣັກ,ສະພາຄວາມໝັ້ນຄົງສະຫະປະຊາຊາດໄດ້ຮັບຮອງມະຕິ,ເຫັນດີແກ່ຍາວເວລາກອງທະຫານນາໆຊາດປະຈຳອີຣັກໄປອີກປີໜຶ່ງ,ຈົນຮອດວັນທີ31ທັນວາປີໜ້າ.
ນອກນີ້,ໜັງສືພິມວໍຊິງຕັນໂພສແຈ້ງຂ່າວວ່າ,ຫວ່າງມໍ່ໆນີ້,ກອງທັບເຮືອສູ້ລົບເທິງບົກຂອງອາເມລິກາໄດ້ຮັບຮອງໃນລາຍງານຢູ່ພາຍໃນວ່າ,ສະພາບສັງຄົມແລະການເມືອງຢູ່ແຂວງອານບາຣ ທາງພາກຕາເວັນຕົກຂອງອີຣັກໄດ້ຊຸດຮ້າຍລົງຈົນເຖິງຂັ້ນທີ່ກອງທະຫານອາເມລິກາກໍບໍ່ສາມາດຄວບຄຸມໄວ້ໄດ້.
|
|
