|
|
 |
| (GMT+08:00)
2006-12-01 18:03:33
|
 |
|
ຜູ້ນຳປະເທດຕ່າງໆອວຍພອນພາລະກິດກະຈາຍສຽງຕໍ່ຕ່າງປະເທດຂອງປະຊາຊົນພ້ອມດ້ວຍວັນສ້າງຕັ້ງວິທະຍຸສາກົນແຫ່ງປະເທດຈີນຄົບຮອບ 65 ປີ
cri
ຕາມຂ່າວcri:ວັນທີ 3 ທັນວາປີນີ້ແມ່ນວັນລະລຶກພາລະກິດກະຈາຍສຽງຕໍ່ຕ່າງປະເທດຂອງປະຊາຊົນຈີນພ້ອມດ້ວຍວິທະຍຸສາກົນແຫ່ງປະເທດຈີນສ້າງຕັ້ງຂຶ້ນຄົບຮອບ 65 ປີ.ຫລາຍມື້ມານີ້,ປະມຸກລັດ ຫົວໜ້າລັດຖະບານແລະຜູ້ນຳການເມືອງຂອງປະເທດຈຳນວນໜຶ່ງເຊັ່ນທ່ານບົວສອນ ບຸບຜາວັນ ນາຍົກລັດຖະມົນຕີລາວ ທ່ານຫງວຽນຕັນດຸງ ນາຍົກລັດຖະມົນຕີຫວຽດນາມ ທ່ານນາງອາໂລໂຢ ປະທານາທິບໍດີຟິລິປິນ ປະເທດປະທານໝູນວຽນຂອງສະມາຄົມປະຊາຊາດອາຊີຕາເວັນອອກສຽງໃຕ້ຫລືອາຊຽນ ທ່ານແຢັກຄີວສ ຊີຣັກ ປະທານາທິບໍດີຝຣັ່ງ ທ່ານດູຣາໂອ ບາໂຣໂຊ ປະທານຄະນະກຳມາທິການສະຫະພາບເອີລົບ ທ່ານໂຣມາໂນ ໂປຼດີ ນາຍົກລັດຖະມົນຕີອີຕາລີ ທ່ານແອມວາອີ ຄີບາຄີ ປະທານາທິບໍດີເຄັນຢາ ທ່ານລາໂຊ ເຮີນານເດັສ ກຳມະການກົມການເມືອງ ເລຂາຄະນະເລຂາສູນກາງພັກກອມມຸນິດກູບາ ຮອງປະທານສະພາແຫ່ງລັດກູບາແລະທ່ານອື່ນໆທະຍອຍກັນສົ່ງໂທລະເລກຫລືຈົດໝາຍມາອວຍພອນວັນສ້າງຕັ້ງວິທະຍຸສາກົນແຫ່ງປະເທດຈີນ ຄົບຮອບ 65 ປີຢ່າງສຸດໃຈ.
ໃນໂທລະເລກແລະຈົດໝາຍອວຍພອນຂອງຜູ້ນຳປະເທດດັ່ງກ່າວໄດ້ຕີລາຄາສູງຕໍ່ຜົນສຳເລັດອັນສະຫລ່າງາມທີ່ວິທະຍຸສາກົນແຫ່ງປະເທດຈີນຍາດມາໄດ້ໃນ 65 ປີມານີ້,ແລະອວຍພອນໃຫ້ວິທະຍຸສາກົນແຫ່ງປະເທດຈີນປະກອບສ່ວນຫລາຍກວ່າເກົ່າເຂົ້າໃນການເພີ່ມຄວາມເຂົ້າໃຈແລະມິດຕະພາບລະຫວ່າງປະຊາຊົນຈີນກັບປະຊາຊົນໃນໂລກ.
|
|
|
