|
|
 |
| (GMT+08:00)
2006-12-04 16:46:06
|
 |
|
ກອງປະກອບອາວຸດປາເລັສຕີນຂູ່ວ່າຈະຖອນອອກຈາກສັນຍາຢຸດຍິງ
cri
Author: da
ຕາມຂ່າວCRI: ວັນທີ 3 ທັນວານີ້ ອົງການຈີຮັດຂອງປາເລັສຕີນຂູ່ວ່າ,ອົງການດັ່ງກ່າວຈະຖອນອອກຈາກສັນຍາຢຸດຍິງ,ແລະຈະຟື້ນຟູການຫຼອນໂຈມຕີອິສຣາແອນພາຍໃນບໍ່ເທົ່າໃດຊົ່ວໂມງ.
ມື້ດຽວກັນ ຢູ່ກາຊາ ໂຄສົກຜູ່ໜຶ່ງຂອງອົງການຈິຮັດຕິຕຽນອິສຣາແອນທີ່ລະເມີດສັນຍາຢຸດຍິງຫຼາຍເທື່ອ ຫຼອນໂຈມຕີຊາວປາເລັສຕີນຢູ່ແຖບກາຊາແລະເຂດຝັ່ງຕາເວັນຕົກແມ່ນ້ຳຈໍແດນ.
ມື້ດຽວກັນ,ອົງການອິສລາມຕໍ່ຕ້ານຂອງປາເລັສຕີນຫຼືຮາມັສກໍປະກາດວ່າ,ອົງການດັ່ງກ່າວຈະຖອນອອກຈາກການເຈລະຈາລະຫວ່າງຝ່າຍຕ່າງໆຂອງປາເລັສຕີນກ່ຽວກັບການເປີດກວ້າງການຢຸດຍິງລະຫວ່າງອິສຣາແອນກັບປາເລັສຕີນຈາກແຖບກາຊາຂະຫຍາຍໄປຮອດເຂດຝັ່ງຕາເວັນຕົກແມ່ນ້ຳຈໍແດນ.
ຫຼັງຈາກປາເລັສຕີນກັບອິສຣາແອນຢຸດຍິງກັນຢູ່ແຖບກາຊາໃນວັນທີ 26 ພະຈິກແລ້ວນີ້,ຜູ່ປະກອບອາວຸດຂອງປາເລັສຕີນໄດ້ຍິງຈະຫຼວດສິບກວ່າລູກໃສ່ອິສຣາແອນ.ວັນທີ 3 ທັນວານີ້ ເຈົ້າໜ້າທີ່ຊັ້ນສູງຄືທ່ານເອເມຍ ເປເຣັສ ລັດຖະມົນຕີວ່າການກະຊວງປ້ອງກັນປະເທດອິສຣາແອນໄດ້ຮຽກຮ້ອງໃຫ້ໃຊ້ມາດຕະການຢູ່ແຖບກາຊາ,ເພື່ອສະກັດກັ້ນບໍ່ໃຫ້ຜູ່ປະກອບອາວຸດຂອງປາເລັສຕີນຍິງຈະຫຼວດໃສ່ອິສຣາແອນ,ແຕ່ຄະນະລັດຖະບານປ້ອງກັນຄວາມສະຫງົບໄດ້ຢັບຢັ້ງຄວາມຮຽກຮ້ອງດັ່ງກ່າວ,ແລະເຫັນດີສືບຕໍ່ຮັກສາຄວາມອົດກັ້ນໄວ້ຕໍ່ການຫຼອນໂຈມຕີຂອງຜູ່ປະກອບອາວຸດປາເລັສຕີນ.ທ່ານເອຮຸດ ໂອເມິດ ນາຍົກລັດຖະມົນຕີອິສຣາແອນກ່າວວ່າ,ອິສຣາແອນຈະບໍ່ອົດກັ້ນໄວ້ເປັນເວລາຍາວນານ.
|
|
|
