|
|
 |
| (GMT+08:00)
2006-12-04 16:52:17
|
 |
|
ອາເມລິກາກ່າວວ່າ ທ່ານບຸສຮູ້ແລ້ວວ່າຕ້ອງປັບປຸງນະໂຍບາຍຕໍ່ອີຣັກ
cri
Author: da
ຕາມຂ່າວສານຊິນຮວາ:ວັນທີ 3 ທັນວານີ້ ໃນລາຍການຂອງບໍລິສັດກະຈາຍສຽງ ABCອາເມລິກາ ທ່ານສຕີເຟັນ ຮັດລີ ຜູ່ຊ່ວຍວຽກງານຄວາມປອດໄພແຫ່ງຊາດຂອງປະທານາທິບໍດີອາເມລິກາກ່າວວ່າ,ທ່ານປະທານາທິບໍດີ ຈອຈ໌ ບຸສ ຈະພິຈາລະນາຂໍ້ສະເໜີກ່ຽວກັບການປັບປຸງນະໂຍບາຍຕໍ່ອີຣັກທີ່ທ່ານໂດນັດ ຣຳສຟິວດ໌ ສະເໜີອອກກ່ອນທ່ານປະກາດລາອອກຈາກຕຳແໜ່ງລັດຖະມົນຕີວ່າການກະຊວງປ້ອງກັນປະເທດໃນເດືອນທີ່ແລ້ວ,ແລະໄດ້ຮູ້ແລ້ວວ່າຕ້ອງໄດ້ປັບປຸງນະໂຍບາຍຕໍ່ອີຣັກ.
ທ່ານຮັດລີເວົ້າວ່າ,ທ່ານບຸສເຫັນດີນຳຄວາມເຫັນຂອງທ່ານຣຳສ໌ຟິວດ໌ກ່ຽວກັບອາເມລິກາບໍ່ໄດ້ຮັບຄວາມຄືບໜ້າຢູ່ອີຣັກ,ແຕ່ກ່ອນຈະທຳການຕົກລົງໃນສຸດທ້າຍ ທ່ານບຸສຈະຮັບຟັງຄຳຄິດຄຳເຫັນຂອງຝ່າຍຕ່າງໆ,ພິຈາລະນາສັງລວມຕໍ່ແຜນການຫຼາຍຢ່າງທີ່ເລືອກໄດ້. ທ່ານຍັງເວົ້າວ່າ,ທ່ານນູຣີ ອານ ມາລີກີ ນາຍົກລັດຖະມົນຕີອິສຣັກໄດ້ກ່າວຢ່າງຈະແຈ້ງແລ້ວວ່າ ລັດຖະບານອີຣັກຍິນດີຮັບຜິດຊອບໜ້າທີ່ຫຼາຍກວ່າເກົ່າ,ສ່ວນລັດຖະບານບຸສກໍຢາກເລີ່ມຖອນທະຫານອອກຈາກອີຣັກໃນເວລາອັນເໝາະສົມ.
|
|
|
