|
ທ່ານອານນານກ່າວວ່າອີຣັກໄດ້ຕົກຢູ່ໃນສົງຄາມກາງເມືອງ
cri
ຕາມຂ່າວສານຊີນຮວາ,ວັນທີ4ທັນວານີ້,ທ່ານໂກຟີ ອານນານ ເລຂາທິການໃຫຍ່ສະຫະປະຊາຊາດເວົ້າວ່າ,ເມື່ອວິນິໄສຕາມສະຖານະການໃນປະຈຸບັນແລ້ວເຫັນວ່າ,ອີຣັກໄດ້ຕົກຢູ່ໃນສົງຄາມກາງເມືອງແລ້ວ.
ມື້ດຽວກັນຢູ່ສຳນັກງານໃຫຍ່ສະຫະປະຊາຊາດທີ່ນິວຢອກ,ໃນເວລາໃຫ້ສຳພາດຕໍ່ວົງການໜັງສືພິມ,ທ່ານອານນານກ່າວຢ່າງຈະແຈ້ງວ່າ,ເມື່ອສັງເກດສະຖານະການປະຈຸບັນຂອງອີຣັກ,ຄວາມຫຍຸ້ງຍາກຂອງປະຊາຊົນອີຣັກແລະຄວາມຂັດແຍ່ງລະຫວ່າງຝ່າຍຕ່າງໆແລ້ວເຫັນວ່າ,ອີຣັກພວມຢູ່ໃນສົງຄາມກາງເມືອງ.
ກ່ອນໜ້ານີ້,ໃນເວລາໃຫ້ສຳພາດຕໍ່BBCອັງກິດ,ທ່ານອານນານກ່າວວ່າ,ປະຈຸບັນ,ສະຖານະການຂອງອີຣັກໃນປະຈຸບັນຍິ່ງຂີ້ຮ້າຍກວ່າສົງຄາມກາງເມືອງ.ທ່ານເຫັນວ່າ, ຊີວິດການເປັນຢູ່ຂອງປະຊາຊົນອີຣັກໃນປະຈຸບັນຍັງບໍ່ຮອດລະດັບໃນເວລາທ່ານຊັດດາມກຳອຳນາດ.ທ່ານອານນານເວົ້າວ່າ,ຖ້າຢາກໃຫ້ສັງຄົມສືບຕໍ່ພັດທະນາ,ກ່ອນອື່ນຕ້ອງມີສະພາບແວດລ້ອມທີ່ປອດໄພແລະມີສະຖຽນລະພາບ,ຖ້າບໍ່ມີຄວາມປອດໄພ,ວຽກໃດກໍເຮັດສຳເລັດບໍ່ໄດ້.ສ່ວນລັດຖະບານອີຣັກ,ດຽວນີ້ຍັງບໍ່ທັນມີຄວາມສາມາດສະກັດກັ້ນເຫດການຫຼອນໂຈມຕີດ້ວຍກຳລັງຮຸນແຮງ.
|
|
