|
|
 |
| (GMT+08:00)
2006-12-09 16:49:19
|
 |
|
ຈີນອາຊຽນເຊັນສັນຍາເພີ່ມເຕີມກ່ຽວກັບເຂດການຄ້າເສລີ
cri
Author: da
ຕາມຂ່າວCRI:ວັນທີ 8 ທັນວານີ້ ຢູ່ເຊອູຂອງຟີລິບປິນ ທ່ານໂປຊີລາຍ ລັດຖະມົນຕີວ່າການກະຊວງການຄ້າຈີນກັບລັດຖະມົນຕີວ່າການກະຊວງເສດຖະກິດການຄ້າຂອງປະເທດອາຊຽນໄດ້ຈັດກອງປະຊຸມ,ເພື່ອປຶກສາຫາລືບັນຫາທີ່ກ່ຽວຂ້ອງກັບເຂດການຄ້າເສລີຈີນອາຊຽນ,ທັງໄດ້ພ້ອມກັນເຊັນອະນຸສັນຍາສະບັບດັດແກ້ເທື່ອທີສອງຂອງ"ສັນຍາຂອບເຂດຮ່ວມມືທາງເສດຖະກິດຮອບດ້ານລະຫວ່າງຈີນກັບອາຊຽນ" ແລະອະນຸສັນຍາຂອງ"ສັນຍາການຄ້າສິນຄ້າ"ໃນເຂດການຄ້າເສລີຈີນອາຊຽນສະບັບດັດແກ້.
ອະນຸສັນຍາສອງສະບັບດັ່ງກ່າວ ໄດ້ເຈາະຈົງແກ້ໄຂບັນຫາທີ່ຄ້າງຄາຢູ່ຈຳນວນໜຶ່ງໃນສັນຍາສອງສະບັບນີ້.
ພາຍຫຼັງໄດ້ເຊັນອະນຸສັນຍາແລ້ວ ທ່ານໂປຊີລາຍເວົ້າວ່າ,ການເຊັນອະນຸສັນຍາໄດ້ສະແດງໃຫ້ເຫັນວ່າ ສອງຝ່າຍໄວ້ເນື້ອເຊື່ອໃຈເຊິ່ງກັນແລະກັນ,ສ່ອງແສງໃຫ້ເຫັນຄວາມເອົາໃຈໃສ່ໃນລະດັບສູງຂອງສອງຝ່າຍຕໍ່ເຂດການຄ້າເສລີຈີນອາຊຽນ.ເຊື່ອວ່າ ນີ້ຈະເປີດຂົງເຂດຫຼາຍກວ່າເກົ່າໃຫ້ແກ່ການສ້າງສາເຂດການຄ້າເສລີຈີນອາຊຽນ,ເພີ່ມເຕີມຄວາມມີຊີວິດຊີວາໃໝ່,ສ້າງພື້ນຖານອັນໝັ້ນຄົງກວ່າເກົ່າໃຫ້ແກ່ການຮ່ວມມືທາງເສດຖະກິດການຄ້າທີ່ຮອບດ້ານ ຖາວອນ ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບອາຊຽນ.
ລັດຖະມົນຕີວ່າການກະຊວງເສດຖະກິດການຄ້າຂອງປະເທດອາຊຽນກ່າວວ່າ,ປະເທດອາຊຽນຍິນດີພ້ອມກັນກັບຈີນທຳຄວາມພະຍາຍາມ,ສືບຕໍ່ຊຸກຍູ້ການສ້າງສາຂອງເຂດການຄ້າເສລີ.
|
|
|
