|
ທ່ານອັບບາສກ່າວວ່າຈະຍົກເລີກສະພານິຕິບັນຍັດ ຈັດການເລືອກຕັ້ງຄັ້ງໃໝ່
cri
ຕາມຂ່າວCRI,ວັນທີ9ທັນວານີ້,ຢູ່ເມືອງລາມາລາ,ທ່ານອັບບາສ ປະທານອົງການອຳນາດແຫ່ງຊາດປາເລັສຕິນກ່າວວ່າ,ເພື່ອທັບມ້າງສະພາບທາງການເມືອງທີ່ເຈລະຈາກັບຮາມາສກ່ຽວກັບການປະກອບລັດຖະບານບໍ່ໄປບໍ່ມາ,ທ່ານຈະຍົກເລີກສະພານິຕິບັນຍັດປາເລັສຕິນ,ແລ້ວຈັດການເລືອກຕັ້ງຄັ້ງໃໝ່.
ໃນເວລາປະກອບຄຳຄິດຄຳເຫັນໃນຄະນະບໍລິຫານງານອົງການປົດປ່ອຍຊາດປາເລັສຕິນໃນວັນທີ9ທັນວານີ້,ທ່ານອັບບາສກ່າວວ່າ,ທ່ານຈະເລືອກເອົາການຈັດການເລືອກຕັ້ງສະພານິຕິບັນຍັດແລະປະນາທິບໍດີປາເລັສຕິນຄືນໃໝ່,ແຕ່ຍັງຄົງໄຂປະຕູເຈລະຈາກັບອົງການຮາມາສເພື່ອປະກອບລັດຖະບານປະສົມແຫ່ງຊາດ.
ຕາມຂ່າວແຈ້ງວ່າ,ອາທິດໜ້າ,ທ່ານອັບບາສຈະຖະແຫຼງຕໍ່ສື່ມວນຊົນເພື່ອປະກາດການຕົກລົງດັ່ງກ່າວຢ່າງເປັນທາງການ.
ຖັດຈານັ້ນ,ເຈົ້າໜ້າທີ່ອົງການຮາມາສ ກ່າວປະນາມການຕົກລົງດັ່ງກ່າວຂອງທ່ານອັບບາສໃນທັນທີ,ແລະກ່າວວ່າທ່ານອັບບາສບໍ່ມີສິດອຳນາດຈັດການເລືອກຕັ້ງຄັ້ງໃໝ່.
|
|
