|
|
 |
| (GMT+08:00)
2006-12-12 21:06:14
|
 |
|
ທ່ານອັບບັສອອກຄຳສັ່ງໃຫ້ຈັດວາງກອງທະຫານປ້ອງກັນຄວາມປອດໄພປາເລັສຕິນຢູ່ແຖບກາຊາ
cri
ຕາມຂ່າວCRI,ວັນທີ12ທັນວານີ້,ທ່ານອັບບັສ ປະທານອົງການອຳນາດແຫ່ງຊາດປາເລັສຕິນໄດ້ອອກຄຳສັ່ງໃຫ້ຈັດວາງກອງທະຫານປ້ອງກັນຄວາມປອດໄພປາເລັສຕິນຢູ່ແຖບກາຊາ.
ທ່ານອັບບັສແມ່ນອອກຄຳສັ່ງດັ່ງກ່າວພາຍຫຼັງລູກສາມຄົນທີ່ຍັງນ້ອຍຂອງເຈົ້າໜ້າທີ່ຂ່າວກອງປາເລັສຕິນຜູ່ໜຶ່ງເສຍຊີວິດໃນເວລາຖືກຫຼອນໂຈມຕີຢູ່ເມືອງກາຊາ.ຕອນເຊົ້າວັນທີ12ທັນວານີ້,ສະມາຊິກກອງທະຫານປ້ອງກັນຄວາມປອດໄພປາເລັສຕິນໄດ້ຍຶດເອົາປາກທາງເສັ້ນສຳຄັນໃນເມືອງກາຊາເພື່ອປ້ອງກັນບໍ່ໃຫ້ເຫດການໂຈມຕີດ້ວຍຄວາມຮຸນແຮງເກີດຂຶ້ນ.
ວັນທີ11ທັນວານີ້,ຢູ່ໜ້າປະຕູໂຮງຮຽນ,ລູກສາມຄົນທີ່ຍັງນ້ອຍຂອງເຈົ້າໜ້າທີ່ຂ່າວກອງຊັ້ນສູງຂອງປາເລັສຕິນທີ່ຈົງຮັກພັກດີຕໍ່ທ່ານອັບບັສໄດ້ເສຍຊີວິດຍ້ອນຖືກພວກປະກອບອາວຸດທີ່ບໍ່ຮູ້ຖານະຫຼອນໂຈມຕີ.ປັດຈຸບັນ,ຍັງບໍ່ທັນມີອົງການໃດໆປະກາດຄວາມຮັບຜິດຊອບຕໍ່ເຫດການດັ່ງກ່າວ.ພາກສ່ວນປ້ອງກັນຄວາມປອດໄພປາເລັສຕິນພວມດຳເນີນການສຳຫຼວດເຫດການດັ່ງກ່າວ.
|
|
|
