|
|
 |
| (GMT+08:00)
2006-12-14 18:58:38
|
 |
|
ສະມັດຊາໃຫຍ່ສະຫະປະຊາສາດໄດ້ຮັບຮອງສົນທິສັນຍາວ່າດ້ວຍສິດຄົນພິການ
cri
ຕາມຂ່າວCRI,ວັນທີ13ທັນວານີ້,ສະມັດຊາໃຫຍ່ສະຫະປະຊາຊາດຄັ້ງທີ61ໄດ້ປຶກສາຫາລືເປັນເອກະສັນກັນຮັບຮອງສົນທິສັນຍາວ່າດ້ວຍສິດຄົນພິການ.
ນີ້ແມ່ນສົນທິສັນຍາສາກົນວ່າດ້ວຍການປົກປ້ອງສິດ ຄົນພິການສະບັບທຳອິດໃນປະຫວັດສະຫະປະຊາຊາດ.ເນື້ອໃນຂອງສົນທິສັນຍາໄດ້ກວມເອົາດ້ານຕ່າງໆຂອງຊີວິດການເປັນຢູ່ຂອງຄົນພິການ,ຕົວຢ່າງຄືສະພາບແວດລ້ອມທີ່ບໍ່ມີອຸປະສັກ ບໍ່ຖືກດູຖູກ ການປະກອບອາຊີແລະເຂົ້າຮ່ວມການເມືອງເປັນຕົ້ນ.
ທ່ານໂກຟີ ອານນັນ ເລຂາທິການໃຫຍ່ສະຫະປະຊາຊາດ ນາງອານຮາລີຟາ ປະທານສະມັດຊາໃຫຍ່ສະຫະປະຊາຊາດ ນາງລູອິສ ອາເບີ ຂ້າຫຼວງຊັ້ນສູງວຽກງານສິດທິມະນຸດຂອງສະຫະປະຊາຊາດພ້ອມດ້ວຍຜູ່ຕາງໜ້າປະເທດຕ່າງໆໄດ້ພາກັນສະແດງຄວາມຊົມເຊີຍຕໍ່ສົນທິສັນຍາດັ່ງກ່າວທີ່ໄດ້ຖືກຮັບຮອງ,ແລະຮູ້ສຶກປິຕິຊົມຊື່ນຕໍ່ຄົນພິການ650ລ້ານຄົນໃນໂລກທີ່ໄດ້ມີສົນທິສັນຍາສາກົນເພື່ອປົກປ້ອງສິດຂອງຕົນ.
ໃນເວລາປະກອບຄຳຄິດຄຳເຫັນ,ທ່ານລິວເຈິ້ງມິນ ຮອງຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ຍ້ອງຍໍໃນລະດັບສູງຕໍ່ສົນທິສັນຍາວ່າດ້ວຍສິດຄົນພິການທີ່ໄດ້ຖືກຮັບຮອງ.
ວັນທີ30ມີນາປີ2007,ສົນທິສັນຍາວ່າດ້ວຍສິດຄົນພິການຈະໃຫ້ປະເທດຕ່າງໆລົງນາມ,ເມື່ອປະເທດລົງນາມມີເຖິງ20ປະເທດແລ້ວ,ສົນທິສັນຍາດັ່ງກ່າວກໍຈະມີຜົນບັງຄັບໃຊ້ໃນທັນທີ.
|
|
|
