|
ຂ່າວກິລາຂອງງານເອຊຽນເກມໂດຮາໃນວັນທີ15ທັນວາ
cri
ຕາມຂ່າວCRI, ວັນທີ14ທັນວານີ້,ງານເອຊຽນເກມໂດຮາສືບຕໍ່ດຳເນີນໄປ, ໃນການແຂ່ງຂັນອູຊູປະເພດສານໂສວລຸ້ນ56ກິໂລ, ທ້າວໂພໄຊອະໄພລັດ ນັກກິລາລາວຊິງໄດ້ຫຼຽນເງິນໜຶ່ງຫຼຽນ.
ໃນການແຂ່ງຂັນທີ່ດຳເນີນໃນວັນທີ14ທັນວານີ້,ນັກກິລາຈີນໄດ້ຮັບຜົນງານດີຫຼາຍ,ຄືຊິງໄດ້17ຫຼຽນຄຳໃນການແຂ່ງຂັນພາຍເຮືອຄະນູ,ອູຊູໂດດນ້ຳ ບານນ້ຳເປັນຕົ້ນ.ສິ່ງທີ່ເປັນໜ້າກ່າວເຖິງນັ້ນແມ່ນໃນການແຂ່ງຂັນບານບ້ວງເພດຍິງຮອບຊິງຊະນະເລີດ,ທິມຈີນໄດ້ເອົາຊະນະທິມໄຕ້ຫວັນຈີນດ້ວຍຄະແນນ90ຕໍ່59,ເປັນເທື່ອທີສີ່ທີ່ທິມຈີນຊິງໄດ້ແຊມປຽນຂອງການແຂ່ງຂັນບານບ້ວງເພດຍິງໃນງານເອຊຽນເກມ.
ນັບມາຮອດເວລາລາຍງານຂ່າວນີ້,ຄະນະນັກກິລາຈີນຊິງໄດ້164ຫຼຽນຄຳ,88ຫຼຽນເງິນແລະ63ຫຼຽນທອງ,ສືບຕໍ່ຄອງອັນດັບໜຶ່ງໃນຕາຕະລາງຫຼຽນ.ສ.ເກົາຫຼີຊິງໄດ້58ຫຼຽນຄຳ,53ຫຼຽນເງິນແລະ82ຫຼຽນທອງ,ເປັນທີສອງ,ຍີ່ປຸນຊິງໄດ້50ຫຼຽນຄຳ,71ຫຼຽນເງິນແລະ77ຫຼຽນທອງເປັນທີສາມ.
ວັນທີ15ທັນວານີ້,ງານເອຊຽນເກມໂດຮາຈະອັດງານ,ໃນການແຂ່ງຂັນມື້ສຸດທ້າຍ,ຈະມີການຊິງຊະນະເລີດບານເຕະເພດຊາຍແລະບານບ້ວງເພດຊາຍ. ເວລາ20ໂມງຂອງວັນທີ15ທັນວາ ຕາມເວລາທ້ອງຖິ່ນ,ງານເອຊຽນເກມໂດຮາຈະຈັດພິທີອັດງານຢ່າງໃຫຍ່ໂຕ,ນະຄອນກວາງໂຈ່ວ ຂອງຈີນເມືອງເຈົ້າພາບຈັດງານເອຊຽນເກມປີ2010ກໍຈະມີການສະແດງເປັນເວລາ10ນາທີ.
|
|
