|
ຫວຽດນາມກ່າວວ່າການພົວພັນຫວຽດນາມອາເມລິກາໄດ້ເຂົ້າສູ່ສະພາບປົກກະຕິຢ່າງຮອບດ້ານແລ້ວ
cri
ຕາມຂ່າວສານຊີນຮວາ,ວັນທີ21ທັນວານີ້,ທ່ານລີດຸງ ໂຄສົກກະຊວງການຕ່າງປະເທດຫວຽດນາມກ່າວວ່າ,ຫວ່າງມໍ່ໆນີ້,ທ່ານຈອຈ ບຸສ ປະທານາທິບໍດີອາເມລິກາໄດ້ລົງນາມໃນຍັດຕິກ່ຽວກັບອາເມລິກາໃຫ້ຖານະການພົວພັນການຄ້າທີ່ປົກກະໂດຍຢ່າງຖາວອນແກ່ຫວຽດນາມ,ເຊິ່ງເປັນຂີດໝາຍສະແດງໃຫ້ເຫັນວ່າ,ການພົວພັນສອງຝ່າຍລະຫວ່າງຫວຽດນາມກັບອາເມລິກາໄດ້ເຂົ້າສູ່ສະພາບປົກກະຕິຢ່າງຮອບດ້ານແລ້ວ.
ທ່ານລີດຸງເວົ້າວ່າ,ການທີ່ອາເມລິກາໃຫ້ຖານະດັ່ງກ່າວແກ່ຫວຽດນາມນັ້ນຈະສ້າງພື້ນຖານອັນໝັ້ນຄົງໃຫ້ແກ່ການຂະຫຍາຍຕົວຂອງການພົວພັນຫວຽດນາມອາເມລິກາໃນຂົງເຂດຕ່າງໆ,ໂດຍສະເພາະແມ່ນຂົງເຂດການລົງທຶນເສດຖະກິດການຄ້າ.ຫວຽດນາມກັບອາເມລິກາຈະເປັນຄູ່ຮ່ວມມືການຄ້າທີ່ສະເໝີພາບກັນ,ສອງຝ່າຍຈະປະຕິບັດຕາມຄຳໝັ້ນສັນຍາຂອງຕົນໃນຂອບອົງການການຄ້າໂລກ.
ທ່ານກ່າວວ່າ,ຕໍ່ໜ້ານີ້,ຫວັງວ່າການພົວພັນຫວຽດນາມອາເມລິກາຈະໄດ້ຮັບການປັບປຸງແລະຂະຫຍາຍຕົວຕໍ່ໄປ,ເຮັດໃຫ້ສອງປະເທດຈະໄດ້ຂະຫຍາຍການຮ່ວມມືດ້ວຍໄມຕີຈິດແລະການພົວພັນຄູ່ຮ່ວມມືທີ່ມີລັກສະນະສ້າງສັນບົນພື້ນຖານທີ່ສະເໝີພາບຕ່າງຝ່າຍຕ່າງມີຜົນປະໂຫຍດ,ເຄົາລົບເຊິ່ງກັນແລະກັນ,ແລະຕ່າງບໍ່ແຊກແຊງວຽກງານພາຍໃນຂອງກັນ.
|
|
