|
|
 |
| (GMT+08:00)
2006-12-25 15:52:34
|
 |
|
ເອຢິບແລະຣັດເຊຍສະແດງຄວາມຊົມເຊີຍຕໍ່ການພົບປະເຈລະຈາລະຫວ່າງຜູ່ນຳປາເລັສຕີນກັບອິສຣາແອນ
cri
Author: da
ຕາມຂ່າວCRI: ວັນທີ 24 ທັນວານີ້ ທ່ານອານເມັດ ອາບູ ເກັດ ລັດຖະມົນຕີວ່າການກະຊວງການຕ່າງປະເທດເອຢິບແລະທ່ານແມັກໄກ ຄາມາຍນິນ ໂຄສົກກະຊວງການຕ່າງປະເທດຣັດເຊຍໄດ້ສະແດງຄວາມຊົມເຊີຍຕໍ່ການພົບປະເຈລະຈາລະຫວ່າງທ່ານເອຮຸດ ໂອເມີດ ນາຍົກລັດຖະມົນຕີອິສຣາແອນກັບທ່ານອາບາສ ປະທານອົງການອຳນາດແຫ່ງຊາດປາເລັສຕີນທີ່ຈັດຂຶ້ນໃນວັນທີ 23 ທັນວານີ້,ພວກທ່ານເຫັນວ່າ ການກະທຳດັ່ງກ່າວຈະຊ່ອຍສອງຝ່າຍໃຊ້ມາດຕະການອັນຕັ້ງໜ້າເພື່ອສ້າງຄວາມໄວ້ເນື້ອເຊື່ອໃຈຄືນໃໝ່,ອາດຈະຊຸກຍູ້ໃຫ້ສອງຝ່າຍບັນລຸສັນຕິພາບທີ່ຄອງຄອຍມາດົນນານແລ້ວ.
ທ່ານອາບູ ເກັດຮຽກຮ້ອງຝ່າຍອິສຣາແອນໃຊ້ມາດຕະການຕົວຈິງ,ຫຼຸດຄວາມເດືອດຮ້ອນຂອງປະຊາຊົນປາເລັສຕີນ.ທ່ານກ່າວເນັ້ນວ່າ,ເອຢິບສະໜັບສະໜູນຄວາມພະຍາຍາມທຸກຢ່າງທີ່ໝາຍຈະປັບປຸງຊີວິດການເປັນຢູ່ຂອງປະຊາຊົນປາເລັສຕີນໃຫ້ດີຂຶ້ນ.ທ່ານຄາມາຍນິນອອກຖະແຫຼງການກ່າວວ່າ,ຝ່າຍຣັດເຊຍຫວັງໃຫ້ສັນຍາທີ່ສອງຝ່າຍເຊັນກັນໃນການພົບປະກັນຫວ່າງມໍ່ໆນີ້ຈະໄດ້ຮັບການປະຕິບັດຢ່າງເຕັມທີ່.ຣັດເຊຍຫວັງໃຫ້ກຳລັງການເມືອງຕ່າງໆຂອງອິສຣາແອນແລະປາເລັສຕີນ ພ້ອມດ້ວຍຝ່າຍຕ່າງໆທີ່ກ່ຽວຂ້ອງຢູ່ເຂດແຄວ້ນນີ້ ລ້ວນແຕ່ຕັ້ງໜ້າສະໜັບສະໜູນສັນຍາທີ່ຜູ່ນຳອິສຣາແອນປາເລັສຕີນເຊັນກັນໃນການພົບປະກັນຄັ້ງນີ້,ເພາະວ່າສັນຍາດັ່ງ່າວສອດຄ່ອງກັບຜົນປະໂຫຍດຍາວໄກຂອງສອງຝ່າຍອິສຣາແອນປາເລັສຕີນ.
|
|
|
