|
ນາຍົກລັດຖະມົນຕີອິສຣາແອນອະນຸມັດໃຫ້ມ້າງປ້ອມຍາມຂອງກອງທະຫານອິສຣາແອນ27ບ່ອນທີ່ຢູ່ຝັ່ງຕາເວັນຕົກແມ່ນ້ຳຈໍແດນ
cri
ຕາມຂ່າວCRI,ວັນທີ25ທັນວານີ້,ທ່ານເອຮຸດ ໂອນເມີດ ນາຍົກລັດຖະມົນຕີອິສຣາແອນໄດ້ອະນຸມັດໃຫ້ມ້າງປ້ອມຍາມຂອງກອງທະຫານອິສຣາແອນ27ບ່ອນທີ່ຢູ່ຝັ່ງຕາເວັນຕົກແມ່ນ້ຳຈໍແດນ.
ທ່ານເອັບຣາອິມ ສະເນ ລັດຖະມົນຕີຊ່ວຍວ່າການກະຊວງປ້ອງປັນປະເທດອິສຣາແອນເປີດເຜີຍວ່າ,ວັນທີ25ທັນວານີ້,ທ່ານໂອນເມີດໄດ້ຮັບຮອງຂໍ້ສະເໜີຂອງທ່ານອາເມີເປເລັສ ລັດຖະມົນຕີວ່າການກະຊວງປ້ອງກັນປະເທດກ່ຽວກັບຜ່ອນຄາຍການຈຳກັດຊາວປາເລັສຕິນ.ນອກຈາກສະເໜີໃຫ້ມ້າງປ້ອມຍາມ27ບ່ອນແລ້ວ,ຂໍ້ສະເໜີຍັງຮຽກຮ້ອງໃຫ້ປ້ອມຍາມສຳຄັນແຫ່ງຕ່າງໆຜ່ອນຄາຍຄວາມເຂັ້ມງວດໃນການກວດກາຄວາມປອດໄພຕໍ່ລົດຂອງປາເລັສຕິນ,ແລະເຮັດໃຫ້ປະລິມານສິນຄ້າທີ່ເຂົ້າອອກເຂດກາຊານັ້ນເພີ່ມຂຶ້ນຢ່າງຫຼວງຫຼາຍ.
ເຈົ້າໜ້າທີ່ອິສຣາແອນກ່າວວ່າ,ປັດຈຸບັນ,ກອງທະຫານອິສຣາແອນມີປ້ອມຍາມປະມານ400ບ່ອນຢູ່ເຂດຝັ່ງຕາເວັນຕົກແມ່ນ້ຳຈໍແດນ.ໃນເວລາເຈລະຈາກັບທ່ານອັບບັສ ປະທານອົງການອຳນາດແຫ່ງຊາດປາເລັສຕິນໃນທ້າຍສັບປະດານີ້,ທ່ານໂອນເມີດປະກາດວ່າ,ເພື່ອສະໜັບສະໜູນທ່ານອັບບັສ,ອິສຣາແອນຈະມ້າງປ້ອມຍາມສ່ວນໜຶ່ງ.
|
|
