|
ຕາມຂ່າວCRI:ວັນທີ6ມັງກອນ,ທ່ານອັບບາສ ປະທານອົງການອຳນາດແຫ່ງຊາດປາເລັສຕິນປະກາດວ່າ,ຖ້າວ່າກອງທະຫານຮັກສາຄວາມປອດໄພທີ່ຄວບຄຸມໂດຍອົງການການຮາມາສບໍ່ໂຮມເຂົ້າເປັນທະຫານຮັກສາຄວາມປອດໄພຝ່າຍທາງການ,ກໍ່ຈະແມ່ນອົງການຈັດຕັ້ງທີ່ຜິດກົດໝາຍ.
ກ່ຽກກັບເລື່ອງນີ້,ໂຄສົກຂອງກອງທະຫານຮັກສາຄວາມປອດໄພຂອງອົງການຮາມາສກ່າວວ່າ,ອົງການຮາມາສປະຕິເສດບໍ່ຮັບຮອງຂໍ້ຕົກລົງດັ່ງກ່າວຂອງທ່ານອັບບາສ.
ຕອນຄ່ຳມື້ດຽວກັນ,ກະຊວງພາຍໃນຂອງລັດຖະບານປົກຄອງຕົນເອງປາເລັສຕິນປະກາດວ່າ,ຈະຂະຫຍາຍກອງທະຫານຮັກສາຄວາມປອດໄພຂອງຕົນໃຫ້ມີ1ໝື່ນ2ພັນຄົນ,ແລະຈະເປີດປະຕູຕໍ່ຊາວປາເລັສຕິນທັງໝົດທີ່ຢາກເຂົ້າຮ່ວມກອງທະຫານດັ່ງກ່າວ.
ເດືອນພຶດສະພາປີ2006,ລັດຖະບານປົກຄອງຕົນເອງປາເລັສຕິນທີ່ນຳໂດຍອົງການຮາມາສບໍ່ເອົາຫົວຊານຳການຄັດຄ້ານຂອງທ່ານອັບບາສ,ໄດ້ຈັດວາງກອງທະຫານຮັກສາຄວາມປອດໄພພິເສດກອງໜຶ່ງທີ່ຄວບຄຸມໂດຍທ່ານຊາອິດ.ຊຽມ,ແລະຕົ້ນຕໍປະກອບດ້ວຍຜູ້ປະກອບອາວຸດຂອງອົງການຮາມາສ3000ຄົນຕາມລຳພັງໃຈ.ຫຼັງຈາກນັ້ນ,ກອງທະຫານດັ່ງກ່າວໄດ້ເກີດການປະທະກັນກັບອົງການຄວາມປອດໄພອື່ນໆຂອງປາເລັສຕິນຢ່າງບໍ່ຢຸດຢັ້ງ,ແລະໄດ້ເຮັດໃຫ້ຫຼາຍຄົນຕາຍແລະບາດເຈັບ.
|
