ຕາມ​ຂ່າ​ວສານ​ຊິນ​ຮວາ:ຕອນ​ຄ່ຳ​ວັນ​ທີ6​ມັງກອນ,ມາ​ເລ​ເຊຍ​ໄດ້​ເປີ​ດສາກ"ປີ​ທ່ອງ​ທ່ຽວ2007"ຢ່າງ​ເປັນ​ທາງ​ການ.ນີ້​ແມ່ນມາ​ເລ​ເຊຍ​ຈັດ​ປີ​ທ່ອງທ່ຽວ​ເປັນ​ເທື່ອ​ທີ3,​ແລະກໍ​ແມ່ນງານ​​ໃຫຍ່​ໂຕ​ມະ​ໂຫລານ​ຂະໜາດ​ໃຫຍ່​ກວ່າ​ໝູ່​ຂອງ​ມາ​ເລ​ເຊຍນັບ​ມາ​ຮອດ​ປັດຈຸບັນ​.

ຕອນ​ຄ່ຳ​ວັນ​ທີ6​ມັງ​ກອນ,ທ່ານປັດ​ຕາ​ວີ ນາຍົກລັດ​ຖະມົນຕີ​ມາ​ເລ​​ເຊຍ​ກ່າວ​ຄຳ​ປາ​ໄສ​ວ່າ,ມາ​ເລ​ເຊຍ​ຍິນ​ດີ​ຕ້ອນ​ຮັບ​ນັກ​ທ່ອງ​ທ່ຽວ​ປະ​ເທດ​ຕ່າງໆ​ມາທ່ຽວ​ຢູ່​ມາ​ເລ​ເຊຍ​ດ້ວຍ​ຄວາມ​ກະຕືລື​ລົ້ນ,ມາ​ສຳຜັດ​​ສະ​ເໜທີ່​ມີ​ເອກະລັກ​ພິ​ເສດ​ຂອງ​ມາ​ເລ​ເຊຍ​ທີ່​ ​ເປັນ​ສັງຄົມ​ທີ່​ມີວັດທະ​ນະທຳ​ຊະນິດ​ຕ່າງໆ​ແລະ​ຊົນ​​ເຜົ່າ​ຊະນິດ​ຕ່າງໆ.

"ປີ​ທ່ອງ​ທ່ຽວ2007​"​ແມ່ນ​ກິດຈະ​ກຳ​ໂຄສະ​ນາການ​ທ່ອງ​ທ່ຽວ​ຂະໜາດ​ໃຫຍ່​ເພື່ອ​ສົມທົບ​ກັບ​ພິທີ​ສະຫຼອງ​ມາ​ເລ​ເຊຍ​ເປັນ​ເອກະ​ລາດ​ຄົບຮອບ50​ປີ.ລັດຖະບານ​ມາ​ເລ​ເຊຍ​ຫວັງ​ວ່າ,​ໃນ​ປີ​ທ່ອງ​ທ່ຽວ​ສາມາດ​ດຶງດູດ20​ລ້ານ​ເທື່ອ​ຄົນ​ໄປ​ທ່ຽວ​ມາ​​ເມ​ເຊຍ,ສ້າງ​ລາຍ​ຮັບ​ຈາກ​ການທ່ອງ​ທ່ຽວ44​ຕື້500​ລ້ານລິງ​ກິດ(​ເທົ່າ​ກັບ​ປະ​ມານ12ຕື້300​ລ້ານ​ໂດ​ລາ),​ແລະ​ຊັກ​ນຳ​ການ​ພັດທະນາ​ຂອງ​ຂົງ​ເຂດ​ຕ່າງໆ​ທີ່​ກ່ຽວຂ້ອງ​ແລະ​ເສດຖະກິດ​ລວມ.