ຕາມ​ຂ່າວCRI:ວັນ​ທີ7​ມັງກອນ​,ທ່ານ​​ຣອຍ ​ເຊີ​​ໂຢ ​ໂນ​ໂຕ​ດີ​ເບຼ​ໂຈ ຜູ້​ຊ່ຽວຊານລະບົບ​​ໂທລະຄົມ​ມະນາ​ຄົມ​ອິນ​​ໂດ​ເນ​ເຊຍ​ກ່າວ​ວ່າ,​ເຖິງ​ວ່າ​ໄດ້​ໃຊ້ຫຼາຍ​ວິທີ,​ແຕ່ປັດ​ຈຸບັນ,ຍັງ​ຫາຍາກ​ວ່າຍົນ​ໂດຍສານ​ອິນ​ໂດ​ເນ​ເຊຍ​ທີ່​​ຫາຍ​ສາບ​ສູນໃນ​ວັນ​ທີ1​ມັງກອນນັ້ນ​ຢູ່​ໃສ,ອິນ​​ໂດ​ເນ​ເຊຍ​ໄດ້​ຮ້ອງ​ຂໍຝ່າຍ​ທີ່​ກ່ຽວຂ້ອງ​ຂອງ​ອາ​ເມ​ລິ​ກາ​ສະໜອງ​ການ​ຊ່ອຍ​ເຫຼືອ.

ຕາມ​​ໄດ້​ຊາບ,ອິນ​​ໂດ​ເນ​ເຊຍ​ຫວັງ​ຢາກໃຊ້​ດາວ​ທຽມ"ຮູກະ​​ແຈ"ຂອງ​ອາ​​ເມ​ລິ​ກາມາກຳນົດບ່ອນ​ຢູ່​ຂອງ​ຍົນ​ໂດຍສານ​ທີ່​ຫາຍ​ສາບ​ສູນ.ດາວ​ທຽມ​ດັ່ງກ່າວ​ມີ​ລະບົບຈຳ​ແນ​ກອັນ​ກ້າວໜ້າ,ສາມາດກວດ​ພົບ​ສະພາບ​ການບິນ​ຂອງ​ເຮືອບິນ​ທັງ​ໝົດ​​ໃນທົ່ວ​ໂລກ.ທ່ານ​ຣອຍກ່າວ​ວ່າ,ຍົນ​ໂດຍ​ສານ​ລຳ​ດັ່ງກ່າວ​ອາດ​ຈະ​​ເກີດ​ອຸປະຕິ​ເຫດ​ດ້ວຍ​ສາມ​ວິທີ:ຄືລະ​ເບີດ​​ຢູ່​ເທິງ​ອາ​ກາດ,ຕົກ​ໃສ່​ທະ​ເລ​ແລະ​ຕົກ​ໃສ່ໜ້າດິນ,ປັດຈຸບັນ,​ເຂົາ​ເຈົ້າພຽງ​​ແຕ່​ສາມາດ​ໃຊ້​ເຮືອ​ທີ່​ມີ​ລະບົບ​ຄື້ນສຽງ​ແລະ​ເຮື​ອບິນ​ທີ່​ມີ​ເຄື່ອງ​ວັດ​ແທກ​ໂລຫະ​ແລະ​ລະບົບ​​ແອ​ງຟຼາຣູດມາ​ຊອກ​ຫາ​ຍົນ​ໂດຍສານລຳດັ່ງກ່າວ.

ວັນ​ທີ1​ມັງກອນ,​ໃນ​ເວລາ​ບິນ​ຈາກ​ຊູຣາບາ​ຢາ​​ໄປສູ່​ມາ​ນາ​ໂດ​ຂອງ​ເກາະ​ຊູ​ລາ​ເວ​ຊີ,ຍົນ​ໂດຍສານ​ໂອ​ອິງ737-400​​ຂອງ​ສາຍ​ການ​ບິນ​ອາ​ແດ​ມ​ແຫ່ງອິນ​ໂດ​ເນ​ເຊຍ​ໄດ້​​​ເສຍ​ການ​ຕິດ​ຕໍ່​ກັບ​ໜ້າດິນ.​ໃນ​ຍົນ​ລວມມີ​ຜູ້​ໂດຍສານ​96​ຄົນ​ແລະ​ພະນັກງານ​ການບິນ6​ຄົນ.