|
|
 |
| (GMT+08:00)
2007-01-09 15:43:28
|
 |
|
ທ່ານວັງກວາງຢ້າຊີ້ແຈ້ງທັດສະນະຂອງຈີນກ່ຽວກັບການຍົກສູງບົດບາດຂອງສະພາຄວາມໝັ້ນຄົງ
cri
Author: da
ຕາມຂ່າວCRI: ວັນທີ 8 ມັງກອນນີ້ ທ່ານວັງກວາງຢ້າ ຜູ່ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ກ່າວຄຳປາໄສໃນກອງປະຊຸມເຜີຍແຜ່ສະພາບຄວາມປອດໄພສາກົນທີ່ຈັດໂດຍສະພາຄວາມໝັ້ນຄົງ,ຊີ້ແຈ້ງທັດສະນະຂອງຈີນກ່ຽວກັບການຍົກສູງບົດບາດຂອງສະພາຄວາມໝັ້ນຄົງ.
ທ່ານວັງກວາງຢ້າເວົ້າວ່າ,ໃນຖານະເປັນກົນໄກແຫ່ງຄວາມປອດໄພໝູ່ຄະນະ,ສະພາຄວາມໝັ້ນຄົງພວມປະເຊີນກັບສະພາບແວດລ້ອມສາກົນທີ່ມີການປ່ຽນແປງຢ່າງບໍ່ຢຸດຢັ້ງແລະສິ່ງທ້າທາຍທີ່ຂ້ຽວຂາດຈາກຫຼາຍບັນຫາໃນສະຕະວັດໃໝ່.ຕໍ່ເລື່ອງນີ້ ຝ່າຍຈີນເຫັນວ່າ,ກ່ອນອື່ນ ຕ້ອງຍຶດໝັ້ນແລະເສີມຂະຫຍາຍທັດສະນະຄະດີຂອງລັດທິຫຼາຍຝ່າຍ,ປົກປັກຮັກສາອິດທິພົນຂອງສະພາຄວາມໝັ້ນຄົງ.ຕໍ່ບັນຫາສຳຄັນທີ່ກ່ຽວຂ້ອງກັບສັນຕິພາບແລະຄວາມປອດໄພ,ຄວນໃຫ້ສະພາຄວາມໝັ້ນຄົງພິຈາລະນາຕາມສະພາບຕົວຈິງ,ແລະໃຊ້ການເຄື່ອນໄຫວເປັນໝູ່ຄະນະໂດຍອີງຕາມ"ກົດບັດສະຫະປະຊາຊາດ".
ທ່ານວັງກວາງຢ້າຍັງກ່າວເນັ້ນວ່າ,ສະພາຄວາມໝັ້ນຄົງຄວນເພີ່ມທະວີການປະສານສົມທົບກັບສະມັດຊາໃຫຍ່ສະຫະປະຊາຊາດ,ຮັບຟັງຄວາມເຫັນແລະຄວາມສົນໃຈຂອງປະເທດທີ່ບໍ່ແມ່ນສະມາຊິກສະພາຄວາມໝັ້ນຄົງ ໂດຍສະເພາະແມ່ນປະເທດກ່ຽວຂ້ອງ,ພ້ອມກັນນັ້ນກໍ່ເພີ່ມທະວີການແລກປ່ຽນແລະການຮ່ວມມືກັບອົງການຈັດຕັ້ງພາກພື້ນອື່ນໆທີ່ກ່ຽວຂ້ອງ,ດັດແກ້ວິທີເຮັດວຽກຂອງຕົນຕື່ມອີກ,ເພື່ອຍົກສູງປະສິດທິພາບ.
|
|
|
