|
|
 |
| (GMT+08:00)
2007-01-11 10:15:42
|
 |
|
ລັດຖະມົນຕີການຕ່າງປະເທດຂອງອາຊຽນມີຄວາມຮັບຮູ້ຄືກັນໃນບັນຫາເຊັນສັນຍາຕ້ານການກໍ່ການຮ້າຍ
cri
Author: sayvanny
ຕາມຂ່າວສານຊີນຮວາ: ວັນທີ 10 ມັງກອນນີ້, ລັດຖະມົນຕີວ່າການກະຊວງການຕ່າງປະເທດຂອງບັນດາປະເທດສະມາຊິກສະຫະພັນປະເທດອາຊີຕາເວັນອອກສຽງໃຕ້ຫລືອາຊຽນໄດ້ເຂົ້າຮ່ວມງານລ້ຽງອາຫານຄ່ຳເພື່ອ ເຮັດວຽກຂອງກອງປະຊຸມສຸດຍອດອາຊຽນຄັ້ງທີ 12 ທີ່ຈັດຂຶ້ນຢູ່ເມືອງເຊບູ ພາກກາງຂອງຟິລິບປິນ,ໄດ້ປຶກສາຫາລືກັນກ່ຽວກັບການເຊັນສັນຍາຕ້ານການກກໍ່ຮ້າຍ,ການຊຸກຍູ້ການເຈລະຈາຮອບໂດຮາຂອງອົງການການຄ້າໂລກ ແລະບັນຫາບັນລຸສັນຕິພາບຂອງອາຊີຕາເວັນອອກສຽງເຫນືອ,ແລະໄດ້ກ້າວເຖີງຂັ້ນມີຄວາມຮັບຮູ້ຄືກັນ.
ໃນກອງປະຊຸມຖະແຫລງຂ່າວທີ່ຈັດຂຶ້ນຫລັງງານລ້ຽງ,ທ່ານອາເບີໂທ.ໂຣມູໂຣ ລັດຖະມົນຕີວ່າການກະຊວງການຕ່າງປະເທດຟິລິບປິນເວົ້າວ່າ, ລັດຖະມົນຕີການຕ່າງປະເທດທັງຫລາຍໄດ້ມີຄວາມຮັບຮູ້ຄືກັນໂດຍທົ່ວໄປ ກ່ຽວກັບການເຊັນສັນຍາຕ້ານການກໍ່ການຮ້າຍ,ຜູ່ນຳບັນດາປະເທດອາ ຊຽນຈະເຊັນເອກະສານນີ້ໃນກອງປະຊຸມສຸດຍອດ.
ນອກນີ້,ລັດຖະມົນຕີການຕ່າງປະເທດຂອງບັນດາປະເທດອາຊຽນຍັງໄດ້ຫາລືກັນກ່ຽວກັບບັນຫາຫລຸດພົ້ນຄວາມທຸກຍາກໄພພິບັດ,ຜົນສະທ້ອນຂອງໂລກາວິວັດຕໍ່ສັງຄົມ,ແຜນຜັງກົດບັດອາຊຽນ,ການເຈລະຈາຂອງອົງການການຄ້າໂລກ ຄວາມປອດໄພດ້ານພະລັງງານຂອງອາຊີອາຄະເນ,ສັນຍາການຄ້າເສລີ ການປ້ອງກັນແລະຄວບຄຸມພະຍາດເອດ໊ແລະບັນຫານິວເຄຼຍຂອງແຫລມເກົາຫລີເປັນຕົ້ນ.
|
|
|
