|
|
 |
| (GMT+08:00)
2007-01-11 15:43:30
|
|
ອິນໂດເນເຊຍຊອກໄດ້ຊາກທ້າຍຍົນທີ່ຕົກ
cri
Author: da
ຕາມຂ່າວCRI: ວັນທີ 11 ມັງກອນນີ້ ທ່ານພົນຈັດຕະວາເອຕີ ຊູຢຽນໂທ ຜູ່ບັນຊາການກອງຊອກຍົນໂດຍສານທີ່ຫາຍສາບສູນຂອງອິນໂດເນເຊຍກ່າວວ່າ, ຊາກທ້າຍຍົນໂດຍສານຂອງບໍລິສັດການບິນອາຕາມທີ່ຫາຍສາບສູນຖືກຊອກເຫັນ.
ທ່ານເອຕີ ຊູຢຽນໂທກ່າວວ່າ,ຫວ່າງມໍ່ໆນີ້ ຜູ່ຫາປາຜູ່ໜຶ່ງໄດ້ເຫັນແຜ່ນໂລຫະແຜ່ນໜຶ່ງຢູ່ຫາດຊາຍທະເລທີ່ໄກຈາກບາເຣ ບາເຣ ຂອງເກາະຊູລາເວຊີໃຕ້ໄປທິດໃຕ້ປະມານ 8 ກິໂລແມັດ,ເລກໝາຍຢູ່ເທິງແຜ່ນໂລຫະກັບເລກໝາຍຢູ່ທ້າຍຍົນໂດຍສານທີ່ຫາຍສາບສູນຄືກັນ,ນີ້ສະແດງໃຫ້ເຫັນວ່າ ແຜ່ນໂລຫະແຜ່ນນີ້ແມ່ນຊາກທ້າຍຍົນໂດຍສານໂປອິນ 737-400 ທີ່ຫາຍສາບສູນຂອງບໍລິສັດການບິນເອຕາມ.
ວັນທີ 1 ມັງກອນນີ້,ຍົນໂດຍສານໂປອິນ 737-400 ຂອງບໍລິສັດການບິນອາຕາມອິນໂດເນເຊຍບິນອອກຈາກຊູຣາບາຢາໄປມານາໂດເທິງເກາະຊູລາເວຊີ ແຕ່ຂາດການຕິດຕໍ່ກັບໜ້າດິນ, ຢູ່ເທິງຍົນມີຜູ່ໂດຍສານ 96 ຄົນແລະພະນັກງານ 6 ຄົນ.
|
|
|
