ຕາມ​ຂ່າວCRI: ຕອນ​ເຊົ້າມື້​ນີ້, ກອງ​ປະຊຸມ​ສຸດ​ຍອດ​ອາ​ຊຽນຄັ້ງທີ 12 ​ໄດ້ຈັດ​ຂຶ້ນ​ຢູ່​ໂຮງ​ແຮມ​ແຊງ​ກະລີ​ລາ​ແຂວງ​ເຊ​ບູ​ແຫ່ງຟີ​ລິບ​ປີນ. ຜູ້ນຳ​ຂອງ10 ປະ​ເທດ​ອາຊຽນ​ໄດ້​ເຂົ້າຮ່ວມ​ກອງ​ປະຊຸມ​ຄັ້ງນີ້.
​ໃນ​ເວລາ​ກ່າວ​ຄຳ​ໄຂ​ກອງ​ປະຊຸມ, ທ່ານ​ນາງ​ອາ​ໂລ​ໂຢ ປະທານ​າທິບໍດີ​ຟີ​ລິບ​ປິນ ປະ​ເທດ​ປະທານ​ໝູນວຽນ​ຂອງອາຊຽນ​ເວົ້າວ່າ:

"ຟີ​ລິບ​ປິນຮູ້ສຶກ​ມີ​ກຽດຫຼາຍທີ່​ໄດ້​ຈັດ​ກອງ​ປະຊຸມ​ສຸດຍອດ​ອາຊຽນ​ເທື່ອ​ນີ້​ໃນ​ເວລາ​ອັນ​ສຳຄັນ​ນີ້. ປະຈຸ​ບັນ, ການ​ເຈລະຈາ​ຮອບ​ໂດ​ຮາ​ຂອງ​ອົງການ​ການ​ຄ້າ​ໂລກ​ພວມ​ຕົກ​ຢູ່​ໃນ​ສະພາບ​ບໍ່​ໄປ​ບໍ່​ມາ, ພວກ​ເຮົາ​ຈະ​ຢືນ​ອອກ​ມາ, ສະໜັບສະໜູນການ​​​ການ​ເຈລະຈາ​ຂອງ​ອົງການການ​ຄ້າ​ໂລກ​​ເປີດ​ປະຕູຕໍ່​ໄປ. ພວກ​ເຮົາ​ກໍ​ເອົາ​ໃຈ​ໃສ່​ນຳ​ບັນຫາ​ແຜ່ຜາຍ​ອາວຸດ​ນິວ​ເຄີຍ, ພວກ​ເຮົາ​ຍຶດໝັ້ນຫຼັກໝັ້ນ​ໃນ​ບັນຫານິວ​ເຄິຍ​ແຫຼມ​ເກົາຫລີ. ສຸດ​ທ້າຍ, ພວກ​ເຮົາ​ຈະ​ຊຸກ​ຍູ້​ການ​ສ້າງ​ເຂດການ​ຄ້າ​ເຊ​ລີ​ອາຊ​ຽນ. ພວກ​ເຮົາ​ເຊື່ອ​ວ່າ, ອະນາຄົດ​ຂອງ​ອາຊຽນຍ່ອມ​ຈະ​ສະຫວ່າງ​ສະ​ໄຫວ."

ທ່ານ​ນາງ​ອາ​ໂລ​ໂຢຍັງ​ເວົ້າວ່າ, ກອງ​ປະຊຸມ​ເທື່ອ​ນີ້​ຈະ​ເຈາະ​ຈົງ​ຫາລື​ບັນຫາ​ຕ່າງໆ​ເຊັ່ນ​ທິດ​ຂະຫຍາຍຕົວ​ໃນ​ອະນາຄົດ ຄວາມ​ໝັ້ນຄົງ​ແລະ​ການ​ພັດທະນາ​ເສດຖະກິດ​ຂອງ​ອາຊຽນ​ເປັນຕົ້ນ.