|
ຜູ້ນຳສຸດຍອດອາຊຽນໃຫ້ຄຳໝັ້ນສັນຍາຈະເພີ່ມທະວີການປ້ອງກັນຄວບຄຸມພະຍາດເອດ
cri
ຕາມຂ່າວສານຊິນຮວາ:ວັນທີ 13 ມັງກອນ,ຜູ້ນຳ 10 ປະເທດອາຊຽນໄດ້ຈັດກອງປະຊຸມວິສາມັນກ່ຽວກັບບັນຫາພະຍາດເອດຄັ້ງທີສອງຢູ່ເຊບູແຫ່ງຟິລິປິນ,ຮັບຟັງບົດລາຍງານທີ່ກ່ຽວຂ້ອງຂອງສະຫະປະຊາຊາດ,ແລະໃຫ້ຄຳໝັ້ນສັນຍາຈະເພີ່ມທະວີການປ້ອງກັນແລະຄວບຄຸມພະຍາດເອດຈາກລະດັບຊາດ.
ໃນກອງປະຊຸມວິສາມັນ,ຜູ້ນຳປະເທດອາຊຽນເປັນເອກະສັນກັນເຫັນວ່າ,ບັນດາປະເທດອາຊຽນຕ້ອງເພີ່ມທະວີການຮ່ວມມືກັນ,ຍົກສູງຄວາມຮັບຮູ້ຕໍ່ພະຍາດເອດຂອງຄົນທັງຫລາຍ,ຫ້າງຫາທຶນຫລາຍກວ່າເກົ່າແລະໃຊ້ມາດຕະການຮັບມືຮອບດ້ານ,ເພື່ອຄວບຄຸມການແຜ່ລະບາດຂອງພະຍາດເອກ.ເຂົາເຈົ້າຍັງຊີ້ອອກວ່າ,ຄວນພິຈາລະນາປິ່ນປົວຜູ້ເປັນພະຍາດເອກກ່ອນ,ໂດຍສະເພາະແມ່ນພິຈາລະນາຜູ້ເປັນພະຍາດເອດທີ່ບໍ່ສາມາດຈ່າຍປິ່ນປົວສູງນັ້ນກ່ອນ.ທ່ານປີເຕີ ປີອົດ ຜູ້ອຳນວຍການບໍລິຫານງານສຳນັກງານວາງແຜນພະຍາດເອດສະຫະປະຊາຊາດໄດ້ຍື່ນບົດລາຍງານຕາມຄຳເຊີນຂອງກອງປະຊຸມຄັ້ງນີ້.ບົດລາຍງານຂຽນວ່າ,ປະຈຸບັນ,ອາຊີຍັງຢູ່ໃນໄລຍະຕົ້ນແຫ່ງການແຜ່ລະບາດພະຍາດເອດ,ສະນັ້ນຕ້ອງພະຍາຍາມຄົບເທົ່າ,ເຮັດວຽກງານປ້ອງກັນຄວບຄຸມຢ່າງບໍ່ລົດລະ.
|
|
