ຕາມ​ຂ່າວCRI:ວັນ​ທີ13​ມັງກອນ,ກອງ​ປະຊຸມ​ສຸດ​ຍອດ​ອາຊ​ຽນຄັ້ງ​ທີ12​ທີ່​ຈະ​ຈັດ​ຂຶ້ນ​ມື້ໜຶ່ງ​ໄດ້​ຈັດ​ຂຶ້ນ​ຢູ່​ເຊ​ບູຂອງ​ຟິລິບ​ປິນ.ຜູ້ນຳ10​ປະ​ເທດ​ອາຊ​ຽນ​ໄດ້​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ,​ແລະ​ໄດ້​ເຊັນ​ເອກະສານ​ຕ່າງໆຂອງ"ຖະ​ແຫຼງການ​ເຊ​ບູ".

ໃນ​​ໄລຍະ​ກອງ​ປະຊຸມ​ເທື່ອ​ນີ້,ຜູ້ນຳ​ປະ​ເທດ​ຕ່າງໆ​ທີ່​ຮ່ວມ​ປະຊຸມ​ໄດ້​ຫາລືບັນ​ຫາ​ຕ່າງໆ,​ເຊັ່ນ,ສືບ​ຕໍ່​ຊຸກ​ຍູ້ວຽກ​ງານ​ຮ່າງ"ກົດ​ບັດ​ອາຊຽນ",ຄວາມ​ປອດ​ໄພ​ພາກ​ພື້ນ,ການ​ເຈລະຈາ​ຂອງ​ອົງການ​ການ​ຄ້າ​ໂລກ,ຄວາມ​ປອດ​ໄພ​ດ້ານພະ​ລັງງານ​ອາຊີ​ອາຄະ​ເນ,ການປ້ອງ​ກັນ​ຄວບ​ຄຸມພະ​ຍາດ​ເອດ​ແລະ​ບັນຫາ​ແຫຼມ​ເກົາຫຼີ​ເປັນ​ຕົ້ນ.

ກ່ອນ​ກອງ​ປະຊຸມ​ອັດ​ລົງ,ຜູ້ນຳ​ປະ​ເທດ​ຕ່າງໆ​ໄດ້​ພ້ອມ​ກັນ​ເຊັນ​ເອກະສານ​ຕ່າງໆ​ຂອງ"​​ຖະ​ແຫຼງ​ການ​ເຊ​ບູ",​ໃນ​ນັ້ນ,​ມີ​ເອກະ​ສານກ່ຽວ​ກັບ​ການ​​ເລັ່ງລັດ​ສ້າງສາ​ປະຊາ​ຄົມ​ອາຊ​ຽນກ່ອນ​ປີ2015,​ແຜນ​ຜັງ​ກົດ​ບັດ​ອາຊ​ຽນ,ຄວາມ​ປອດ​ໄພດ້ານ​ພະລັງ​ງານ​ອາຊີ​ຕາ​ເວັນ​ອອກ,​ແລະ"ອະນຸ​ສັນຍາ​ຕ້ານ​ການ​ກໍ່​ການ​ຮ້າຍ​ອາຊ​ຽນ"​ເປັນ​ຕົ້ນ.ອະນຸ​ສັນຍາ​ຕ້ານ​ການ​ກໍ່​ການຮ້າຍ​ແມ່ນ​ເອກະ​ສານດ້ານ​ກົດໝາຍ​​ທີ່​ກ່ຽວ​ຂ້ອງ​ກັບການ​ຕ້ານ​ການ​ກໍ່​ການ​ຮ້າຍ​ສະບັບ​ທຳ​ອິດ​ຂອງ​ພາກ​ພື້ນອາຊີ​ອາ​ຄະ​ເນ.