|
ກອງປະຊຸມຜູ້ນຳຈີນຍີ່ປຸ່ນແລະສ.ເກົາຫຼີຄັ້ງທີ 7 ຈັດຂຶ້ນຢູ່ເມືອງເຊບູແຫ່ງຟີລິບປິນ
cri
Author: mo
ຕາມຂ່າວCRI: ວັນທີ 14 ມັງກອນ, ກອງປະຊຸມຜູ້ນຳຈີນຍີ່ປຸ່ນແລະສ.ເກົາຫຼີຄັ້ງທີ 7 ໄດ້ຈັດຂຶ້ນຢູ່ເມືອງເຊບູແຫ່ງຟີລິບປິນ, ທ່ານເວີ່ນເຈຍປາວ ນາຍົກລັດຖະມົນຕີຈີນ, ທ່ານໂຣມູຮູນ ປະທານາທິບໍດີສ.ເກົາຫຼີແລະທ່ານອາເບ ຊີນໂຈ ນາຍົກລັດຖະມົນຕີຍີ່ປຸ່ນໄດ້ເຂົ້າຮ່ວມກອງປະຊຸມ.
ທ່ານເວີ່ນເຈຍປາວເປັນຜູ້ດຳເນີນກອງປະຊຸມ. ໃນເວລາເລີ່ມຈັດກອງປະຊຸມ, ທ່ານເວີ່ນເຈຍປາວກ່າວວ່າ, ສາມປະເທດຄືຈີນຍີ່ປຸ່ນແລະສ.ເກົາຫຼີຄວນເພີ່ມຄວາມໄວ້ເນື້ອເຊື່ອໃຈທາງການເມືອງ, ລົງເລິກການຮ່ວມມືດ້ານເສດຖະກິດການຄ້າ, ເປີດກວ້າງການແລກປ່ຽນວັດທະນະທຳ, ເພີ່ມທະວີການປະສານງານໃນວຽກງານສາກົນແລະພາກພື້ນ.
ມື້ດຽວກັນ, ໃນເວລາພົບປະທ່ານອາເບ ຊີນໂຈ, ທ່ານເວີ່ນເຈຍປາວກ່າວວ່າ, ປັດຈຸບັນ, ການພົວພັນຈີນຍີ່ປຸ່ນພວມຂະຫຍາຍໄປໜ້າ, ນີ້ສອດຄ່ອງກັບຜົນປະໂຫຍດຂອງປະຊາຊົນສອງຊາດ, ກໍສອດຄ່ອງກັບຜົນປະໂຫຍດຂອງອາຊີກໍຄືຂອງໂລກ. ທ່ານເວົ້າວ່າ, ຢູ່ຕໍ່ໜ້າສອງຝ່າຍ, ຍັງມີຄວາມຫຍຸ້ງຍາກແລະບັນຫາບໍ່ໜ້ອຍ, ນີ້ຕ້ອງການສອງຝ່າຍແກ້ໄຂດ້ວຍຄວາມກ້າຫານ.
ມື້ດຽວກັນ, ທ່ານເວີ່ນເຈຍປາວຍັງໄດ້ພົບປະທ່ານມານໂມຮານ ຊີງ ນາຍົກລັດຖະມົນຕີອິນເດຍ. ທ່ານເວົ້າວ່າ, ຝ່າຍຈີນຖືອິນເດຍເປັນຄູ່ຮ່ວມມືສຳຄັນ, ຊົມເຊີຍອິນເດຍພັດທະນາແລະມັ່ງຄັ່ງເຂັ້ມແຂງຂຶ້ນ.
|
|
