|
|
 |
| (GMT+08:00)
2007-01-15 14:07:40
|
 |
|
ກອງປະຊຸມຜູ້ນຳອາຊຽນກັບຈີນຍີ່ປຸ່ນແລະສ.ເກົາຫລີຄັ້ງທີ 10 ຈັດຂຶ້ນຢູ່ຟີລິບປີນ
cri
Author: mo
ຕາມຂ່າວCRI: ວັນທີ 14 ມັງກອນນີ້, ກອງປະຊຸມສຸດຍອດອາຊຽນບວກ 3 ຫຼືກອງປະຊຸມຜູ້ນຳອາຊຽນກັບຈີນຍີ່ປຸ່ນແລະສ.ເກົາຫລີຄັ້ງທີ 10 ໄດ້ຈັດຂຶ້ນຢູ່ເຊບູແຫ່ງຟີລິບປີນ. ໃນກອງປະຊຸມ, ທ່ານເວີ່ນເຈຍປາວ ນາຍົກລັດຖະມົນຕີຈີນກ່າວວ່າ, ຈີນຈະສືບຕໍ່ສະໜັບສະໜູນແລະເຂົ້າຮ່ວມການຮ່ວມມືຂອງອາຊີຕາເວັນອອກ, ພ້ອມກັນກັບປະເທດຕ່າງໆຊຸກຍູ້ສັນຕິພາບແລະການພັດທະນາ.
ທ່ານເວີ່ນເຈຍປາວກ່າວວ່າ, ໃນ 10 ປີມານີ້, ການຮ່ວມມືລະຫວ່າງອາຊຽນກັບຈີນ ຍີ່ປຸ່ນແລະສ.ເກົາຫລີໄດ້ຮັກສາທ່ວງທ່າພັດທະນາອັນດີງາມແລະຕັ້ງໜ້າ, ໄດ້ມີຖານະນຳທາງໃນການຮ່ວມມືຂອງອາຊີຕາເວັນອອກ. ເພື່ອສ້າງອາຊີຕາເວັນອອກທີ່ກົມກຽວກັນນັ້ນ, ຝ່າຍຕ່າງໆໃນພາກພື້ນຕ້ອງມີຄວາມໄວ້ເນື້ອເຊື່ອໃຈກັນທາງການເມືອງ, ຢູ່ຮ່ວມກັນຢ່າງປອງດອງ; ໃນດ້ານເສດຖະກິດ, ຕ້ອງຕ່າງຝ່າຍຕ່າງໄດ້ຮັບຜົນປະໂຫຍດ, ພ້ອມກັນພັດທະນາ; ໃນຂົງເຂດຄວາມໝັ້ນຄົງ, ຕ້ອງຊ່ອຍເຫຼືອກັນ, ສາມັກຄີຮ່ວມມືກັນ; ໃນດ້ານວັດທະນະທຳ, ຕ້ອງຖອດຖອນບົດຮຽນນຳກັນ, ພ້ອມກັນກ້າວໄປໜ້າ.
ເພື່ອຍົກລະດັບການຮ່ວມມືລະຫວ່າງອາຊຽນກັບຈີນຍີ່ປຸ່ນແລະສ.ເກົາຫລີໃຫ້ສູງຂຶ້ນຕື່ມອີກ, ທ່ານເວີ່ນເຈຍປາວໄດ້ສະເໜີຂໍ້ລິເລີ່ມ 5 ຂໍ້ເຊັ່ນເພີ່ມທະວີການວາງແຜນຍຸດທະສາດເປັນຕົ້ນ.
ຜູ້ນຳປະເທດອື່ນທີ່ເຂົ້າຮ່ວມກອງປະຊຸມໄດ້ສະແດງຄວາມເຫັນດີນຳເຈດຈຳນົງແລະຂໍ້ລິເລີ່ມຂອງທ່ານເວີ່ນເຈຍປາວ, ໂດຍກ່າວວ່າ, ຄວນວາງແຜນການຮ່ວມມືລະຫວ່າງອາຊຽນກັບຈີນຍີ່ປຸ່ນແລະສ.ເກົາຫລີໃນຕໍ່ໜ້າຕື່ມອີກ, ຊຸກຍູ້ການຮ່ວມມືໃນຂົງເຂດຕ່າງໆເຊັ່ນ: ການຄ້າ ການທະນາຄານ ພະລັງງານ ວິທະຍາສາດເຕັກນິກ ການສ້າງພື້ນຖານໂຄງລ່າງ, ແລະຮ່ວມມືດ້ານໝັ້ນຄົງແບບບໍ່ເປັນປົກກະຕິຢ່າງໜັກແໜ້ນ.
|
|
|
