|
ຕາມຂ່າວCRI:ວັນທີ14ມັງກອນນີ້,ຫຼັງຈາກກອງປະຊຸມຜູ້ນຳຈີນ,ຍີ່ປຸ່ນແລະສ.ເກົາຫຼີຄັ້ງທີ7ໄດ້ອັດລົງຢູ່ເຊບູຂອງຟິລິບປິນແລ້ວໄດ້ມີການຖະແຫຼງຂ່າວຮ່ວມວ່າ,ຜູ້ນຳສາມປະເທດເຫັນດີບົນພື້ນຖານເຄົາລົບແລະເຂົ້າໃຈເຊິ່ງກັນແລະກັນ, ຖື ສະຖຽນລະພາບແລະການພັດທະນາຂອງພາກພື້ນເປັນພື້ນຖານ,ເພິ່ມທະວີຄວາມໄວ້ເນື້ອເຊື່ອໃຈກັນທາງການເມືອງຢ່າງບໍ່ຢຸດຢັ້ງ.
ທ່ານເວີນເຈຍປາວ ນາຍົກລັດຖະມົນຕີຈີນ,ທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນແລະທ່ານໂຣມູຢຸນ ປະທານາທິບໍດີສ.ເກົາຫຼີໄດ້ເຂົ້າຮ່ວມກອງປະຊຸມເທື່ອນີ້.
ໃນການຖະແຫຼງຂ່າວຮ່ວມ,3ຝ່າຍກ່າວວ່າ,ຜູ້ນຳ3ປະເທດຮູ້ສຶກພໍໃຈຕໍ່ຄວາມຄືບໜ້າຫຼ້າສຸດຂອງການພົວພັນສາມປະເທດ.ສາມຝ່າຍເປັນເອກະສັນກັນເຫັນວ່າ,ການເພິ່ມທະວີການຮ່ວມມືທີ່ມຸ່ງໜ້າໄປສູ່ອະນາຄົດບໍ່ພຽງແຕ່ສອດຄ່ອງກັບຜົນປະໂຫຍດພື້ນຖານແລະຍາວໄກຂອງປະຊາຊົນສາມປະເທດເທົ່ານັ້ນ,ທັງມີຄວາມໝາຍສຳຄັນຕໍ່ສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງອາຊີອີກດ້ວຍ.ຜູ້ນຳ3ປະເທດເຫັນວ່າ,ຄວນເພິ່ມທະວີການໄປມາຫາສູ່ກັນເລື້ອຍໆ,ແລະຕົກລົງສ້າງກົນໄກຫາລືຂອງເຈົ້າໜ້າທີ່ອາວຸໂສການຕ່າງປະເທດ3ຝ່າຍ,ທຳຄວາມເຂົ້າໃຈແລະປະສານສົມທົບກ່ຽວກັບຫົວຂໍ້ທາງການເມືອງແລະການຕ່າງປະເທດອັນສຳຄັນລະຫວ່າງ3ປະເທດແລະບັນຫາສາກົນແລະພາກພື້ນອັນສຳຄັນ.ຝ່າຍຈີນຈະເປັນເຈົ້າພາບຈັດການຫາລືຂອງເຈົ້າໜ້າທີ່ອາວຸໂສການຕ່າງປະເທດ3ຝ່າຍຄັ້ງທຳອິດໃນປີນີ້.
ໃນກອງປະຊຸມ,ທ່າຍເວີນເຈຍປາວຍັງກ່າວວ່າ,ຝ່າຍຈີນຍິນດີພ້ອມກັນກັບຍີ່ປຸ່ນແລະສ.ເກົາຫຼີ,ເຮັດວຽກງານຂອງຝ່າຍຕ່າງໆໃຫ້ດີ,ພະຍາຍາມເຮັດໃຫ້ການເຈລະຈາໄດ້ຮັບຄວາມຄືບໜ້າເປັນຢ່າງດີ.
|
