|
ຕາມຂ່າCRI:ວັນທີ15ມັງກອນນີ້,ຢູ່ທີ່ມານີລາ,ທ່ານເວີນເຈຍປາວ ນາຍົກລັດຖະມົນຕີຈີນທີ່ໄປຢ້ຽມຢາກຟິລິບປິນໄດ້ເຈລະຈາກັບນາງກໍຼເຣຍ ອາໂລໂຢ ປະທານາທິບໍດີຟິລິບປິນ.
ໃນເວລາເຈລະຈາ,ທ່ານເວີນເຈຍປາວກ່າວວ່າ,ນັບແຕ່ຈີນກັບຟິລິບປິນສ້າງສາຍສຳພັນທາງການທູດ32ປີມານີ້,ການພົວພັນລະຫວ່າງສອງປະເທດໄດ້ຂະຫຍາຍຕົວຫຼາຍ.ປັດຈຸບັນ,ການພົວພັນຈີນກັບອາຊຽນນັບມື້ນັບລົງເລິກ,ການຮ່ວມມືພາກພື້ນອາຊີຕາເວັນອອກພວມຂະຫຍາຍຕົວຢ່າງແຂງແຮງ,ນີ້ໄດ້ສ້າງໂອກາດທີ່ບໍ່ເຄີຍມີມາແລະຊ່ອງຫວ່າງທີ່ກວ້າງຂວາງກວ່າເກົ່າໃຫ້ແກ່ການຂະຫຍາຍຕົວຂອງການພົວພັນລະຫວ່າງຈີນກັບຟິລິບປິນ.ທ່ານກ່າວວ່າ,ລັດຖະບານຈີນຍິນດີຢູ່ບົນພື້ນຖານສະເໝີພາບ,ຕ່າງໄວ້ເນື້ອເຊື່ອໃຈກັນແລະຕ່າງຝ່າຍຕ່າງມີຜົນປະໂຫຍດ,ປະສານສົມທັບກັບຟິລິບປິນຢ່າງໃກ້ຊິດ,ຊຸກຍູ້ການຂະຫຍາຍການພົວພັນຈີນກັບອາຊຽນແລະຂະບວນການການຮ່ວມມືອາຊີຕາເວັນອອກ.
ນາງອາໂລໂຢກ່າວວ່າ,ຟິລິບປິນຖືຈີນເປັນຄູ່ຮ່ວມມືອັນສຳຄັນ,ຍິນດີພະຍາຍາມຂະຫຍາຍກຳລັງແຮງບົ່ມຊ້ອນ,ເປີດກວ້າງການຮ່ວມມືເສດຖະກິດການຄ້າແລະການລົງທຶນລະຫວ່າງສອງຝ່າຍ.ເຊີນຊວນວິສາຫະກິດຈີນຫຼາຍກວ່າເກົ່າມາລົງທຶນປະກອບທຸລະກິດຢູ່ຟິລິບຟິນ.ນາງຍັງກ່າວວ່າ,ຝ່າຍຟິລິບປິນຍິນດີຮ່ວມມືກັບຈີນຕື່ມອີກໃນການພ້ອມກັນພັດທະນາທະເລຈີນໃຕ້.
ຫຼັງຈາກການເຈລະຈາ,ຜູ້ນຳສອງປະເທດໄດ້ພ້ອມກັນເຂົ້າຮ່ວມພິທີລົງນາມໃນເອກະສານຮ່ວມມືໃນຂົງເຂດຕ່າງໆ ຫຼາຍສະບັບ ຂອງສອງປະເທດ,ເຊັ່ນ,ເສດຖະກິດການຄ້າ,ວັດທະນະທຳແລະການເງິນເປັນຕົ້ນ.
|
