|
|
 |
| (GMT+08:00)
2007-01-16 12:46:42
|
 |
|
ຜູ້ວ່າການທະນາຄານພັດທະນາອາຊີກ່າວເນັ້ນການຮ່ວມມືເສດຖະກິດຂອງພາກພື້ນນີ້ໃນກອງປະຊຸມສຸດຍອດອາຊີຕາເວັນອອກ
cri
Author: mo
ຕາມຂ່າວສານຊີນຮວາ: ວັນທີ 15 ມັງກອນນີ້, ຢູ່ເມືອງເຊບູແຫ່ງຟີລິບປິນ, ທ່ານຄູໂຣດາ ຮາລູຮິໂຄ ຜູ້ວ່າການທະນາຄານພັດທະນາອາຊີກ່າວເນັ້ນວ່າ, ອົງກອນເສດຖະກິດຂອງພາກພື້ນນີ້ຄວນເພີ່ມທະວີການຮ່ວມມືໃນຂົງເຂດຕ່າງໆເຊັ່ນການຄ້າ ການລົງທຶນ ແລະການເງິນເປັນຕົ້ນ, ແລະພ້ອມກັນຮັບມືກັບການຂົ່ມຂູ່ໃນດ້ານຄວາມໝັ້ນຄົງທີ່ບໍ່ເປັນປົກກະຕິ.
ໃນກອງປະຊຸມສຸດຍອດອາຊີຕາເວັນອອກຄັ້ງທີ 2 ທີ່ຈັດຂຶ້ນຢູ່ເຊບູໃນມື້ດຽວກັນ, ທ່ານຄູໂຣດາ ຮາລູຮິໂຄ ເວົ້າວ່າ, ເສດຖະກິດອາຊີຕາເວັນອອກໄດ້ຮັບຜົນສຳເລັດນັ້ນຕົ້ນຕໍແມ່ນຍ້ອນໄດ້ປະຕິບັດນະໂຍບາຍເສດຖະກິດທີ່ໜັກແໜ້ນ ຕິດແທດຕົວຈິງແລະອວ່າຍໜ້າໄປສູ່ທົ່ວໂລກ. ແຕ່ພາກພື້ນອາຊີຕາເວັນອອກກໍປະເຊີນກັບການທ້າທາຍຕ່າງໆທີ່ກະທົບເຖີງເສດຖະກິດເຕີບໂຕຢ່າງສືບເນື່ອງ, ໃນນັ້ນ, ພົ້ນເດັ່ນກວ່າໝູ່ກໍແມ່ນຄວາມກົດດັນດ້ານການຫຼຸດຄວາມທຸກຍາກ. ນອກນີ້, ຄວາມໂຕນກັນລະຫວ່າງຄວາມຮັ່ງມີກັບຄວາມທຸກຍາກໃນພາກພື້ນອາຊີຕາເວັນອອກກໍຂະຫຍາຍກວ້າງອອກເທື່ອລະກ້າວ.
ທ່ານຄູໂຣດາ ຮາລູຮິໂຄຮຽກຮ້ອງໃຫ້ປະເທດອາຊີຕາເວັນອອກໃຊ້ຍຸດທະສາດອັນເໝາະສົມເພື່ອຮັບມືຢ່າງບັງເກີດຜົນ. ທ່ານເວົ້າວ່າ, ນີ້ຈະມີຜົນດີຕໍ່ການບັນລຸຈຸດໝາຍການຮ່ວມມືຂອງພາກພື້ນແລະຂະບວນການເຊື່ອມໂຍງເຂົ້າເປັນເອກະພົບດຽວ.
|
|
|
