|
|
 |
| (GMT+08:00)
2007-01-16 17:09:00
|
 |
|
ທ່ານເວີ່ນເຈ່ຍປາວສິ້ນສຸດການຢ້ຽມຢາມຟິລິບປິນແລ້ວ
cri
Author: min
ຕາມຂ່າວ CRI: ວັນທີ 16 ມັງກອນນີ້, ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ສິ້ນສຸດການຢ້ຽມຢາມຕໍ່ຟິລິບປິນເປັນທາງການ, ແລະອອກເດີນທາງຈາກນະຄອນຫຼວງມານີລາກັບຄືນປະເທດ.
ມື້ດຽວກັນ, ໃນເວລາທ່ານເວີ່ນເຈ່ຍປາວແຍກພົບປະກັບທ່ານວີລາ ປະທານສະພາສູງຟິລິບປິນແລະທ່ານໂຮເຊ ເດີ ເບເນເຊຍ ປະທານສະພາຕ່ຳຟິລິບປິນຢູ່ມານີລານັ້ນ, ທ່ານກ່າວວ່າ, ທ່ານມາຢ້ຽມຢາມຟິລິບປິນເທື່ອນີ້ໄດ້ຮັບໝາກຜົນຫຼາຍຢ່າງ. ສອງຝ່າຍໄດ້ມີຄວາມເຫັນເປັນເອກະສັນກັນໃໝ່ຫຼາຍຢ່າງກ່ຽວກັບການເປີດກວ້າງແລະລົງເລິກການຮ່ວມມື, ເປັນເອກະສັນກັນຕົກລົງເລັ່ງລັດວາງແຜນການເຄື່ອນໄຫວຮ່ວມມືການຮ່ວມມືຍຸທະສາດລະຫວ່າງຈີນກັບຟິລິບປິນ, ເພື່ອວາງແຜນຮ່ວມມືຍາວນານລະຫວ່າງສອງປະເທດໃຫ້ດີກວ່າເກົ່າ, ທ່ານກ່າວວ່າ, ຝ່າຍຈີນຈະຍຶດໝັ້ນປະຕິບັດຕາມທິດທາງການຕ່າງປະເທດກັບປະເທດອ້ອມຂ້າງທີ່ວ່າ "ມີໄມຕີຈິດຕໍ່ປະເທດໃກ້ຄຽງ, ຖືປະເທດໃກ້ຄຽງເປັນເພື່ອນ", ເພີ່ມຄວາມໄວ້ເນື້ອເຊື່ອໃຈກັນແລະການຮ່ວມມືກັບຟິລິບປິນ, ຊຸກຍູ້ການພົວພັນລະຫວ່າງສອງປະເທດໃຫ້ກ້າວໄປໜ້າເລື້ອຍໆ.
ວັນທີ 16 ມັງກອນນີ້, ສອງປະເທດໄດ້ອອກຖະແຫຼງການຮ່ວມກັນວ່າ, ຜູ້ນຳຂອງສອງປະເທດໄດ້ມີຄວາມເພິ່ງພໍໃຈນຳຄວາມຄືບໜ້າຂອງການຮ່ວມມືແລະການສົນທະນາລະຫວ່າງສອງຝ່າຍໃນຂົງເຂດການເມືອງ, ຄວາມໝັ້ນຄົງ, ເສດຖະກິດແລະອື່ນໆ, ການພົວພັນລະຫວ່າງຈີນກັບຟິລິບປິນພວມຢູ່ໃນໄລຍະດີງາມຂອງແຫ່ງການພົວພັນໝູ່ເພື່ອນ. ຜູ້ນຳສອງປະເທດເຫັນດີລົງເລິກການພົວພັນຮ່ວມມືຍຸດທະສາດທີ່ສຸມກຳລັງເຂົ້າໃນສັນຕິພາບແລະການພັດທະນາຂອງຈີນກັບຟິລິບປິນຕື່ມອີກ.
ວັນທີ 15 ມັງກອນນີ້, ທ່ານເວີ່ນເຈ່ຍປາວ ໄດ້ເຈລະຈາກັບນາງກຼໍເຣຍ ອາໂຣໂຢ ປະທານາທິບໍດີຟິລິບປິນຢູ່ມານີລາ. ໃນການເຈລະຈາ, ທ່ານເວີ່ນເຈ່ຍປາວກ່າວວ່າ, ລັດຖະບານຈີນຍິນດີສົມທົບກັບຟິລິບປິນຢ່າງໃກ້ຊິດແລະໃຫ້ຄວາມສະດວກແກ່ກັນບົນພື້ນຖານສະເໝີພາບ, ໄວ້ເນື້ອເຊື່ອໃຈກັນແລະຕ່າງຝ່າຍຕ່າງມີຜົນປະໂຫຍດ, ຊຸກຍູ້ການພົວພັນລະຫວ່າງຈີນກັບອາຊຽນໃຫ້ຂະຫຍາຍຕົວອອກແລະຊຸກຍູ້ຂະບວນການຮ່ວມມືອາຊີຕາເວັນອອກ.
|
|
|
