ຕາມ​ຂ່າວCRI:ວັນ​ທີ16​ມັງກອນ,​​ໃນ​ເວລາ​ໃຫ້​ສຳພາດ​ຕໍ່​ນັກ​ຂ່າວ,​ເຈົ້າ​ໜ້າ​ທີ່​ອົງການ​ອະນາ​​ໄມ​ໂລກ​ກ່າ​ວວ່າ,ປັດ​ຈຸບັນ,ອົງການ​ອະນາ​ໄມ​ໂລກ​ພວມ​ເອົາ​ໃຈ​​ໃສ່​ນຳສະພາບ​ໄຂ້ຫວັດ​ສັດ​ປີກຢູ່​ອາຊີ.

ຫວ່າງ​ມໍ່​ໆ​ນີ້,ຢູ່​ອິນ​ໂດ​ເນ​ເຊຍ,ມີ4​ຄົນ​ຕາຍ​ຍ້ອນ​ເປັນ​ໄຂ້ຫວັດ​ສັດ​ປີກ​ປະ​ເພດ​H5N1.ມີຄົນ​​ເປັນ​ຫ່ວງ​ວ່າໄຂ້​ຫວັດ​ສັດ​ປີກ​ຈະຕິດ​​ແປດ​ລະຫວ່າງ​ຄົນກັບ​ຄົນຫຼື​ບໍ່,ຫຼື​ວ່າ​ຄື​ປີ​ກາຍ​ນີ້,ຢູ່​ພາກ​ພື້ນ​ອາຊີ​ຈະເກີດມີ​ໄຂ້ຫວັດ​ສັດ​ປີ​​ແຜ່​ລະບາດຢ່າງ​ກວ້າງ​ຂວາງ.ກ່ຽວ​ກັບ​ເລື່ອງ​ນີ້,​ໃນ​ເວລາ​ໃຫ້​​ສຳພາດ​ທາງ​ໂທລະ​ສັບ​ຂອງນັກ​ຂ່າວປະ​ເທດ​ຕ່າງໆ​ປະຈຳ​ເຊີ​ແນວ,ທ່ານ​ດາ​ວິດ ​​ຮາ​ຍ​ແມນ ຜູ້​ຊ່ຽວ​ຊານ​ອົງການ​ອະນາ​​ໄມ​ໂລກ​ເວົ້າ​ວ່າ,

"​ເຖິງ​ວ່າ​ສະພາບ​ໄຂ້ຫວັດ​ສັດ​ປີກ​ໃນ​ປັດຈຸບັນ​ຄ້າຍຄື​ປີ​ກາຍ​ນີ້,​ແຕ່ສະ​ພາບ​ການ​ພັດ​ບໍ່​ຄື​ກັບ​ແຕ່​ກ່ອນ,​ເພາະ​ວ່າລັດ​ຖະບານ​ມີ​ປະສົບ​ການ​ແລ້ວ,ສາ​ມາດ​ທຳ​ປະຕິ​ກິລິ​ຍາ​ຕໍ່​ສະພາບ​​ໄຂ້​ສັດ​ສັດ​ປີກ​ຢ່າງ​ທັນ​ການ​ແລະ​ບັງ​ເກີດ​ຜົນ.​ແຕ່​ເບິ່ງ​ຈາກ​ສະພາບ​ທີ່​ພວກ​ຂ້າ​ພະ​ເຈົ້າຮູ້​ໃນ​ປັດຈຸ​ບັນ,​ຜູ້​​ເປັນ​ພະຍາດ​ຢູ່​ອິນ​ໂດ​ເນ​ເຊຍ​ລ້ວນ​ແຕ່​ແມ່ນ​ຕິດ​ມາຈາກ​ສັດ​ປີກ​ທີ່​ເປັນ​ພະຍາດ.