ຕາມ​ຂ່າວ​CRI:ວັນ​ທີ19​ມັງ​ກອນ​ນີ້,ທ່າ​ນທົມ​​​ ​​ແຄ​ຊີ ​ຮອງໂຄສົກ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ເວົ້າ​ວ່າ,ການ​ພົບ​ປະ​ລະຫວ່າງ​ທ່ານ​ຄິຼສ​ໂຕ​ເຟີ ຮິ​ວ ຜູ່​ຊ່ອຍລັດຖະມົນຕີ​​ກະຊວງ​ການ​ຕ່າງປະ​ເທດ​ເມ​ລິ​ກາ​ກັບ​ທ່ານກິມ​ເກກວນ​ຫົວ​ໜ້າ​ຄະນະ​ຜູ້​ແທນ​ສ.​ປ.ປ.​ເກົາຫຼີ​ຂອງີການ​ເຈລະຈາ​ຫົກ​ຝ່າຍ​ກ່ຽວ​ກັບ​ບັນຫາ​ນີວ​ເຄຼຍ​ແຫຼມ​ເກົາ​ຫີ​ຢູ່​ທີ່​ແບກ​ແລງນັ້ນ​ບໍ່​ແມ່ນ​ການ​ເຈລະຈາ,​ແລະກໍ່​ບໍ່​ໄດ້​ແກ້​ໄຂ​ບັນຫາ​ໃດໆ.

ໃນ​ງານຖະ​ແຫຼ​ງຂ່າວ,ທ່ານ​ແຄ​ຊີ​ກ່າວ​ວ່າ,ການ​ພົບ​ປະລະ​ຫວ່າງ​ທ່ານ​ຮິວ​ກັບ​ທ່ານ​ກິມ​​ເກກວນ​ແມ່ນ​​ເພື່ອ​ແລ​ກປ່ຽນ​ຂ່າວ​ຄາວ,​ແລະ​ທຳ​ການກະກຽມ​ເພື່ອ​ຈັດ"ການ​ເຈລະຈາ​​ແທ້​ຈິງ"ຫຼັງ​ຈາກ​ການ​ເຈລະຈາ​ຫົກ​ຝ່າຍ​ຟື້ນ​ຟູ​ຄືນ​ໃໝ່.

ມື້​ດຽວ​ກັນ,​ໂຄສົກ​ທຳນຽບຂາວ​ອາ​ເມ​ລິ​ກາ​ເວົ້າ​ວ່າ,ອາ​ເມ​ລິ​ກາ​ສະໜັບ​ສະ​ໜູນການ​ເຈລະຈາ​ຫົກ​ຝ່າຍ​ຫຼາຍ,​ແຕ່​ປັດຈຸບັນ​ເວົ້າ​ວ່າ,ອາ​ເມ​ລິ​ກາ​ກັບສ.ປ.ປ.​ເກົາຫຼີ​ໄດ້​ມີ
ສັນຍາ​ແລ້ວນັ້ນ​ຍັງ​ບໍ່​ຮອດ​ເວລາ​ເທື່ອ.

ວັນ​ທີ19​ມັງກອນນີ້,ທ່ານ​ບານກີ​ມູນ ​ເລຂາທິການ​ໃຫຍ່​ສະຫະ​ປະຊາ​ຊາດ​ໄດ້ອອກ​ຖະ​ແຫຼ​ງການ,ສະ​ແດງ​ຄວາມ​ຊົມ​ເຊີຍ​ຕໍ່​ຝ່າຍຕ່າງໆ​ທີ່​ກ່ຽວຂ້ອງ"ຕັ້ງ​ໜ້າ​ກະກຽມ"​ເພື່ອການ​ເຈລະຈາ​ຫົກ​ຝ່າຍ​ໃນ​​ໄລຍະຕໍ່ໜ້າ,​ໂດຍ​ສະ​ເພາະ​ແມ່ນຮູ້ສຶກ​ມີ​ກຳລັງ​ໃຈ​ຫຼາຍຕໍ່"ການ​ຫາລື​ອັນ​ຕັ້ງໜ້າ"ທີ່​ຜູ້​​ແທນ​ສ.ປ.ປ.​ເກົາຫຼີ​ກັບ​ອາ​ເມ​ລິ​ກາ​ໄດ້ຈັດ​ຂຶ້ນ​ຢູ່​ແບກ​ແລງໃນ​ຫວ່າງ​ມໍ່ໆ​ນີ້.