|
ຕາມຂ່າວCRI:ວັນທີ20ມັງກອນນີ້,ທ່ານຄຼິສໂຕເຟີ ຮິວ ຫົວໜ້າຄະນະຜູ້ແທນການເຈລະຈາຫົກຝ່າຍບັນຫານີວເຄຼຍແຫຼມເກົາຫຼີຂອງອາເມລິກາກັບທ່ານເຄນີຊີໂຣ ຊາຊາອີ ຫົວໜ້າຄະນະຜູ້ແທນຍີ່ປຸ່ນໄດ້ຈັດການເຈລະຈາກັນຢູ່ໂຕກຽວ.ສອງຝ່າຍໄດ້ບັນລຸຄວາມເປັນເອກະພາບກັນກ່ຽວກັບການຈັດການເຈລະຈາຫົກຝ່າຍຄືນໃໝ່ໂດຍໄວ.
ໃນການເຈລະຈາມື້ດຽວກັນ,ທ່ານຮິວໄດ້ແນະນຳເນື້ອໃນຂອງການຫາລືລະຫວ່າງທ່ານກັບທ່ານກິມກຸຍກວນ ຫົວໜ້າຄະນະຜູ້ແທນການເຈລະຈາຫົກຝ່າຍສ.ປ.ປ.ເກົາຫີຼທີ່ຈັດຂຶ້ນຢູ່ແບກແລງໃນຫວ່າງມໍ່ໆນີ້.ທ່ານຍັງໄດ້ແລກປ່ຽນຄວາມຄິດຄວາມເຫັນກັບທ່ານເຄນີຊີໂຣ ຊາຊາອີກ່ຽກກັບຈະເຮັດແນວໃດຈັດການເຈລະຈາຫົກຝ່າຍຮອບໜ້າເປັນຕົ້ນ.
ທ່ານເຄນີຊີໂຣ ຊາຊາອີກ່າວວ່າ,ຫວັງໃຫ້ການຫາລືລະຫວ່າງອາເມລິກາກັບສ.ປ.ປ.ເກົາຫີຼທີ່ຢູ່ແບກແລງຈະສ້າງພື້ນຖານອັນດີງາມໃຫ້ການເຈລະຈາຫົກຝ່າຍຮອບໜ້າ.
ວັນທີ20ມັງກອນນີ້,ທ່ານຮິວໄດ້ເດີນທາງໄປຮອດຍີ່ປຸ່ນເພື່ອຢ້ຽມຢາມຍີ່ປຸ່ນໃນໄລຍະສັ້ນ,ທ່ານຈະເດີນທາງມາຢ້ຽມຢາມຈີນໃນວັນທີ21ມັງກອນນີ້.
|
