ຕາມ​ຂ່າວສານ​ຊິນ​ຮວາ:ວັນ​ທີ20​ມັງກອນ​ນີ້,ກຳມະກອນ​ນ້ຳ​ມັນ​ເຊື້ອ​ໄຟຂອງຟິລິບ​ປິນ6ຄົນ​ແລະກຳມະກອນ​ທ້ອງ​ຖິ່ນ​ຄົນ​ໜຶ່ງຖືກ​ຜູ້​ປະກອບ​ອາວຸດ​ທີ່​ບໍ່​ຮູ້​ຖານະ ລັກ​ພາ​ຕົວຢູ່​ເຂດ​ສາມ​ຫຼ່ຽມ​ແມ່​ນ້ຳ​ນີ​ເຊ​ ພາ​ກ​ໃຕ້​ນີ​ເຊ​ຣີ.

ປັດຈຸບັນ,ຍັງ​ບໍ່​ມີ​ອົງການ​ຈັດ​ຕັ້ງ​ແລະ​ບຸກຄົນ​ໃດໆ​ປະກາດ​ຮັບຜິດຊອບ​ຕໍ່ເຫດການ​ລັກ​ພາ​ຕົວ​ດັ່ງກ່າວ.

ນັບ​ແຕ່​ປີ​ກາຍ​ນີ້​ເປັນ​ຕົ້ນມາ,ການ​ລັກ​ພາ​ຕົວ​ທີ່​ແນ​ໃສ່ກຳມະກອນ​ນ້ຳມັນ​ເຊື້ອ​​ໄຟ​ຂອງຕ່າງ​ປະ​ເທດ​​ແລະ​ເຫດການ​ທຳ​ລາຍ​ອຸປະ​ກອນ​ນ້ຳມັນ​ເຊື້ອ​ໄຟທີ່​ເກີດ​ຂຶ້ນ​ຢູ່​ເຂດສາມຫຼ່ຽມ​ແມ່​ນ້ຳ​ນີ​ເຊ​ນັບ​ມື້​ນັບ​ຮ້າຍ​ແຮງ​ຂຶ້ນ.ຕາມ​ສະຖິຕິ​ບໍ່ຄົບ​ຖ້ວນ,​ໃນ​1ປີ​ມາ​ນີ້,​ເຂດ​ດັ່ງກ່າວ​ໄດ້​ເກີດ​ເຫດການ​ລັກ​ພາ​ຕົວ10​ກວ່າ​ເທື່ອ,ກຳມະກອນ​ນ້ຳມັນ​ເຊື້ອ​ໄຟ​ຂອງຕ່າງປະ​ເທດ​ເກືອບ​ຮ້ອຍ​ຄົນ​​​ໄດ້​ຖືກ​ລັກ​ພາ​ຕົວ.