|
ເຂດທະເລເກາະຊູລາເວຊີຂອງອິນໂດເນເຊຍເກີດແຜ່ນດິນໄຫວ
cri
Author: mo
ຕາມຂ່າວສານຊີນຮວາ: ຕອນຄ່ຳວັນທີ 21 ມັງກອນນີ້, ເຂດໃກ້ກັບເມືອງມານາດູ ເທດສະບານແຂວງຊູລາເວຊີເໜືອຂອງອິນໂດເນເຊຍໄດ້ເກີດແຜ່ນດິນໄຫວທີ່ວັດແຮງສັ່ນສະເທືອນໄດ້ 6,5 ລິກເທີ, ປັດຈຸບັນ, ຍັງບໍ່ມີລາຍງານກ່ຽວກັບຜົນເສຍຫາຍ.
ຂ່າວແຈ້ງວ່າ, ແຜ່ນດິນໄຫວໄດ້ເຮັດໃຫ້ຊາວເມືອງຢ່ມານາດູແລະເຂດອ້ອມແອ້ມຢ້ານກົວ, ຄົນທັງຫຼາຍທີ່ຜັກຜ່ອນຢູ່ເຮືອນຫຼືຫຼີ້ນຢູ່ໃນເມືອງພາກັນແລ່ນໜີໄປສູ່ຖະໜົນຫຼືບ່ອນກວ້າງ. ຊາວເມືອງສ່ວນໜຶ່ງທີ່ຢູ່ແຄມທະເລເປັນຫ່ວງວ່າແຜ່ນດິນໄຫວຈະພາໃຫ້ເກີດຄື້ນຊຶນາມີ, ໄດ້ພາຄອບຄົວໜີຂຶ້ນໄປຢູ່ພູທີ່ຢູ່ພາກໃຕ້ຂອງເຂດເທດສະບານເມືອງ.
|
|
