|
|
 |
| (GMT+08:00)
2007-01-27 20:46:31
|
 |
|
ສະພາປະຊາຊົນແຫ່ງຊາດຈີນກັບສະພາສູງອາເມລິກາຈັດການພົບປະລະດັບປະທານຂອງກົນໄກຫາລືກັນ
cri
Author: cai
ຕາມຂ່າວສານຊີນຮວາ:ແຕ່ວັນທີ 25 ຫາ 26 ມັງກອນນີ້,ຢູ່ຮາວາຍ,ທ່ານເຊີ້ງຮວາເຢີນ ຮອງປະທານທັງເປັນເລຂາທິການໃຫຍ່ສະພາປະຊາຊົນແຫ່ງຊາດຈີນ ປະທານກົນໄກຫາລືກັນລະຫວ່າງສະພາຈີນສະພາສູງອາເມລິກາກັບທ່ານດານນີວ ອີນໂນ ສະມາຊິກສະພາສູງ ປະທານຝ່າຍອາເມລິກາຂອງກົນໄກຫາລືກັນແລະທ່ານເທດ ສຕິເວນສ໌ ສະມາຊິກສະພາສູງ ປະທານຮ່ວມຂອງກົນໄກດັ່ງກ່າວໄດ້ຈັດການພົບປະລະດັບປະທານຂອງກົນໄກດັ່ງກ່າວ.
ນີ້ແມ່ນການພົບປະລະດັບສູງຄັ້ງທຳອິດລະຫວ່າງສະພາຈີນກັບລັດຖະສະພາອາເມລິກາພາຍຫຼັງລັດຖະສະພາຊຸດໃໝ່ຂອງອາເມລິກາໄດ້ສ້າງຕັ້ງຂຶ້ນແລ້ວ.ສອງຝ່າຍເປັນເອກະສັນກັນເຫັນວ່າ,ການພົວພັນລະຫວ່າງຈີນອາເມລິກາໃນປະຈຸບັນໄດ້ມີການຂະຫຍາຍຕົວເປັນຢ່າງດີໃນດ້ານກວມລວມ,ຜົນປະໂຫຍດຮ່ວມໄດ້ເປີດກວ້າງອອກຢ່າງບໍ່ຢຸດຢັ້ງ.ສອງຝ່າຍກ່າວເນັ້ນວ່າ,ຄວນກຳແໜ້ນຜົນປະໂຫຍດຮ່ວມຂອງສອງຝ່າຍ,ເພີ່ມທະວີການສົນທະນາ,ເພີ່ມຄວາມໄວ້ເນື້ອເຊື່ອໃຈກັນ,ແກ້ໄຂຄວາມເຫັນຂັດກັນຢ່າງເໝາະສົມ,ຊຸກຍູ້ການພົວພັນລະຫວ່າງຈີນອາເມລິກາຂະຫຍາຍຕົວຢ່າງປອດໄສແລະໜັກແໜ້ນ.
ທ່ານເຊີ້ງຮວາເຢີນກ່າວເນັ້ນວ່າ,ບັນຫາໄຕ້ຫວັນໄດ້ກ່ຽວພັນເຖິງຜົນປະໂຫຍດແກນກາງຂອງຈີນ,ການຄັດຄ້ານແລະສະກັດກັ້ນການໃຫ້ໄຕ້ຫວັນເປັນເອກະລາດ ຮັກສາສັນຕິພາບແລະສະຖຽນລະພາບຂອງເຂດຊ່ອງແຄບໄຕ້ຫວັນນັ້ນສອດຄ່ອງກັບຜົນປະໂຫຍດຮ່ວມຂອງຈີນແລະອາເມລິກາ.ທ່ານດານນີວ ອີນໂນແລະທ່ານເທດ ສຕິເວນສ໌ໄດ້ສະແດງຄວາມເຂົ້າໃຈຢ່າງເຕັມທີ່ຕໍ່ຄວາມສົນໃຈຂອງຝ່າຍຈີນໃນບັນຫາໄຕ້ຫວັນ,ກ່າວຢ້ຳວ່າ,ຫຼັກໝັ້ນຂອງຝ່າຍອາເມລິກາທີ່ຍຶດໝັ້ນນະໂຍບາຍຈີນດຽວ ເຄົາລົບປະກາດແຈ້ງການຮ່ວມສາມສະບັບລະຫວ່າງອາເມລິກາຈີນຢ່າງເຄັ່ງຄັດນັ້ນບໍ່ມີການປ່ຽນແປງ.
|
|
|
