|
|
 |
| (GMT+08:00)
2007-01-30 10:41:54
|
 |
|
ປະຊາຄົມໂລກກ່າວປະນາມເຫດການຫຼອນໂຈມຕີດ້ວຍລູກລະເບີດສະຫຼະຊີບທີ່ເກີດຂຶ້ນຢູ່ອິສຣາແອນ
cri
Author: da
ຕາມຂ່າວCRI: ວັນທີ 29 ມັງກອນນີ້ ປະຊາຄົມໂລກພາກັນອອກຖະແຫຼງການກ່າວປະນາມເຫດການຫຼອນໂຈມຕີດ້ວຍລູກລະເບີດສະຫຼະຊີບທີ່ເກີດຂຶ້ນຢູ່ເມືອງເອລັດ ພາກໃຕ້ອິສຣາແອນໃນມື້ດຽວກັນ.
ທ່ານບານກີມູນ ເລຂາທິການໃຫຍ່ສະຫະປະຊາຊາດກ່າວວ່າ,ການກະທຳລັດທິກໍ່ການຮ້າຍດັ່ງກ່າວໄດ້ລະເມີດກົດໝາຍມະນຸດສະທຳສາກົນຢ່າງບັງອາດ,ອົງການຄວາມປອດໄພປາເລັສຕີນຄວນໃຊ້ມາດຕະການໃນທັນທີ,ລົງໂທດຜູ່ກະທຳຜິດຕາມກົດໝາຍ,ເພື່ອຫຼີກເວັ້ນບໍ່ໃຫ້ເຫດການຄ້າຍຄືກັນເກີດຂຶ້ນອີກ.
ສົມເດັດອັບດູລາ ເຈົ້າຊີວິດຊອກດານີກ່າວວ່າ,ເຫດການຫຼອນໂຈມຕີບໍ່ພຽງແຕ່ໄດ້ເປັນຜົນຮ້າຍຕໍ່ຜູ່ທີ່ບໍ່ມີຄວາມຜິດຫຍັງທໍ່ນັ້ນ,ຫາກຍັງຈະທຳລາຍການແລກປ່ຽນແລະຄວາມໄວ້ເນື້ອເຊື່ອໃຈລະຫວ່າງປາເລັສຕີນກັບອິສຣາແອນອີກດ້ວຍ,ທັງຈະທຳລາຍຄວາມພະຍາຍາມຂອງຝ່າຍຕ່າງໆໃນການຈັດການເຈລະຈາສັນຕິພາບປາເລັສຕີນອິສຣາແອນຄືນໃໝ່.
ທ່ານມາມຸດ ອັບບາສ ປະທານອົງການອຳນາດແຫ່ງຊາດປາເລັສຕີນກ່າວວ່າ,ຄັດຄ້ານທຸກໆການຫຼອນໂຈມຕີທີ່ແນໃສ່ສາມັນຊົນຜູ່ບໍ່ມີຄວາມຜິດຫຍັງ.
ເຢຍລະມັນ ປະເທດປະທານໝູນວຽນຂອງສະຫະພາບເອີລົບແລະຣັດເຊຍຕ່າງກໍ່ອອກຖະແຫຼງການ,ຮຽກຮ້ອງໃຫ້ຝ່າຍປາເລັສຕີນໃຊ້ມາດຕະການທຸກຢ່າງ,ສະກັດກັ້ນການກໍ່ການຮ້າຍດ້ວຍທຸກຮູບແບບ,ແລະຮຽກຮ້ອງໃຫ້ຜູ່ນຳປາເລັສຕີນອິສຣາແອນສືບຕໍ່ທຳຄວາມພະຍາຍາມໂດຍສັນຕິ,ສ້າງຄວາມໄວ້ເນື້ອເຊື່ອນໃຈເຊິ່ງກັນແລະກັນຢ່າງແທ້ຈິງ.
|
|
|
