|
|
 |
| (GMT+08:00)
2007-01-31 14:40:02
|
 |
|
ກອງປະຊຸມລັດຖະມົນຕີກະຊວງການທ່ອງທ່ຽວອາຊຽນບວກ 3 ຄັ້ງທີ 6 ຈັດຂຶ້ນຢູ່ສິງກະໂປ
cri
Author: da
ຕາມຂ່າວCRI: ວັນທີ 30 ມັງກອນນີ້ ກອງປະຊຸມລັດຖະມົນຕີກະຊວງການທ່ອງທ່ຽວອາຊຽນບວກ 3 ຄັ້ງທີ 6 ຈັດຂຶ້ນຢູ່ສິງກະໂປ.ລັດຖະມົນຕີທີ່ເຂົ້າຮ່ວມກອງປະຊຸມເຫັນເປັນເອກະພາບກັນວ່າ,ການຮ່ວມມືລະຫວ່າງອາຊຽນບວກ 3 ແມ່ນຊ່ອງທາງສຳຄັນທີ່ບັນລຸປະຊາຄົມຮ່ວມອາຊີຕາເວັນອອກ ເຊິ່ງເປັນເປົ້າໝາຍຍາວໄກ.
ລັດຖະມົນຕີທັງຫຼາຍທີ່ຮ່ວມປະຊຸມຍັງກ່າວວ່າ,ສະໜັບສະໜູນການຖືການໄປມາຫາສູ່ກັນທາງການທ່ອງທ່ຽວ ການແລກປ່ຽນຜູ່ມີຄວາມຮູ້ຄວາມສາມາດ ການພັດທະນາຊັບພະຍາກອນມະນຸດ ການຮ່ວມມືໃນຕະຫຼາດທ່ອງທ່ຽວແລະຂົງເຂດອື່ນໆເປັນຈຸດໜັກໃນການຮ່ວມມືລະຫວ່າງອາຊຽນບວກ 3. ລັດຖະມົນຕີປະເທດຕ່າງໆສະແດງຄວາມຊົມເຊີຍຕໍ່ຈີນໃຊ້ມາດຕະການລະອຽດສ້າງຕັ້ງ"ສູນຊຸກຍູ້ການຄ້າ ການລົງທຶນ ແລະການທ່ອງທ່ຽວລະຫວ່າງຈີນກັບອາຊຽນ",ແລະເຫັນວ່າ ງານມະຫະກຳການທ່ອງທ່ຽວສາກົນຈີນ2006ໄດ້ສະໜອງເງື່ອນໄຂອັນສະດວກໃຫ້ແກ່ພາກພື້ນຮ່ວມອາຊຽນ.
ທ່ານກູ້ສາວສີ່ ຮອງຫົວໜ້າກົມທ່ອງທ່ຽວແຫ່ງຊາດຈີນທີ່ຮ່ວມປະຊຸມໃຫ້ສຳພາດຕໍ່ນັກຂ່າວວ່າ,ໃນກອງປະຊຸມ ຈີນໄດ້ໃຫ້ຄຳໝັ້ນສັນຍາວ່າເລັ່ງລັດການສ້າງຕັ້ງ"ສູນຊຸກຍູ້ການຄ້າ ການລົງທຶນ ແລະການທ່ອງທ່ຽວລະຫວ່າງຈີນກັບອາຊຽນ",ແລະກ່າວວ່າຈະຕັ້ງໂຄງການເພື່ອອົບຮົມຜູ່ມີຄວາມຮູ້ຄວາມສາມາດດ້ານການທ່ອງທ່ຽວໃຫ້ປະເທດຕ່າງໆຂອງອາຊຽນ.
ຕອນຄ່ຳມື້ດຽວກັນ,ເວທີປຶກສາຫາລືການທ່ອງທ່ຽວອາຊຽນຄັ້ງທີ 26 ໄດ້ຈັດຂຶ້ນຢູ່ສິງກະໂປ.ເຈົ້າໜ້າທີ່ຂະແໜງການທ່ອງທ່ຽວແລະບຸກຄົນໃນວົງການທ່ອງທ່ຽວຂອງ 10 ປະເທດອາຊຽນແລະຈີນ ຍີ່ປຸ່ນ ສ.ເກົາຫຼີຈະພ້ອມກັນຊອກຄົ້ນມາດຕະການທີ່ຊຸກຍູ້ຄວາມເຊື່ອງໂຍງເຂົ້າກັນທາງການທ່ອງທ່ຽວຂອງພາກພື້ນ.
|
|
|
