|
|
 |
| (GMT+08:00)
2007-01-31 16:16:24
|
 |
|
ສ.ເກົາຫຼີ ຣັດເຊຍແລະອາເມລິກາຫວັງວ່າການເຈລະຈາຫົກຝ່າຍຈະໄດ້ຮັບຄວາມຄືບໜ້າທີ່ມີລັກສະນະແທ້ຈິງ
cri
ຕາມຂ່າວCRI, ວັນທີ30ມັງກອນນີ້,ທ່ານຊົງມິນຊູນ ລັດຖະມົນຕີວ່າການກະຊວງການຕ່າງປະເທດແລະການຄ້າສ.ເກົາຫຼີແລະທ່ານເຊີເກ ລັບຣົຟ ລັດຖະມົນຕີວ່າການກະຊວງການຕ່າງປະເທດຣັດເຊຍໄດ້ເປັນເອກະສັນກັນເຫັນດີຊຸກຍູ້ການເຈລະຈາຫົກຝ່າຍກ່ຽວກັບບັນຫານີວເຄຼຍແຫຼມເກົາຫຼີໃຫ້ໄດ້ຮັບຄວາມຄືບໜ້າທີ່ມີລັກສະນະແທ້ຈິງ.ກະຊວງການຕ່າງປະເທດແລະການຄ້າສ.ເກົາຫຼີໄດ້ຖະແຫຼງຂ່າວວ່າ,ໃນກອງປະຊຸມໄລຍະທີສາມຂອງການເຈລະຈາຫົກຝ່າຍຮອບທີ5ທີ່ຕົກລົງຈະຈັດຂຶ້ນໃນວັນທີ8ກຸມພາປີນີ້,ສອງປະເທດຈະຮ່ວມມືກັນຢ່າງໃກ້ຊິດ,ຊຸກຍູ້ໃຫ້ຝ່າຍຕ່າງໆທີ່ກ່ຽວຂ້ອງເຊັນສັນຍາທີ່ມີລັກສະນະແທ້ຈິງກ່ຽວກັບມາດຕະການຂອງຝ່າຍຕ່າງໆໃນໄລຍະເບື້ອງຕົ້ນເພື່ອຜັນຂະຫຍາຍຖະແຫຼງການຮ່ວມຂອງການເຈລະຈາຫົກຝ່າຍຮອບທີ4.
ວັນທີ30ມັງກອນນີ້,ທ່ານທອມ ເຄຊີ ຮອງໂຄສົກກະຊວງການຕ່າງປະເທດອາເມລິກາກ່າວວ່າ,ອາເມລິກາໄດ້ປຶກສາຫາລືກັບຝ່າຍທີ່ກ່ຽວຂ້ອງຫຼາຍເທື່ອແລ້ວກ່ຽວກັບການແກ້ໄຂບັນຫານີວເຄຼຍແຫຼມເກົາຫຼີ,ອາເມລິກາຫວັງວ່າການເຈລະຈາຮອບນີ້ຈະບັນລຸຈຸດປະສົງແລະໄດ້ມີຄວາມຄືບໜ້າທີ່ມີລັກສະນະແທ້ຈິງບາງຢ່າງ.
ຂ່າວແຈ້ງວ່າ,ວັນທີ30ມັງກອນນີ້,ທ່ານແດນິເອນ ກຼາເຊີ ຜູ່ຊ່ວຍລັດຖະມົນຕີຊ່ວຍວ່າການກະຊວງການເງິນຂອງອາເມລິກາແລະທ່ານໂອກວາງໂຊ ຜູ່ວ່າການທະນາຄານການຄ້າສປປເກົາຫຼີໄດ້ຈັດການປຶກສາຫາລືບັນຫາການເງິນລະຫວ່າງອາເມລິກາແລະສປປເກົາຫຼີຢູ່ສະຖານທູດອາເມລິກາປະຈຳຈີນ.ນັກວິເຄາະເຫັນວ່າ,ການປຶກສາຫາລືເທື່ອນີ້ມີຈຸດປະສົງເພື່ອແຜ້ວທາງໃຫ້ແກ່ການເຈລະຈາຫົກຝ່າຍ.
|
|
|
