ຕາມຂ່າວCRI:ວັນທີ1ກຸມພານີ້,ໃນກອງປະຊຸມຂ່າວ,ທ່ານຄິຼສໂຕເຟີ ຮິວ ລັດຖະມົນຕີຊ່ອຍວ່າການກະຊວງການຕ່າງປະເທດອາເມລິກາ,ຫົວໜ້າຄະນະຜູ້ແທນອາເມລິກາຂອງການເຈລະຈາຫົກຝ່າຍບັນຫານີວເຄຼຍແຫຼມເກົາຫຼີກ່າວວ່າ,ກອງປະຊຸມໄລຍະທີ3ຂອງການເຈລະຈາຫົກຝ່າຍຮອບ5ທີ່ຈະຈັດຂຶ້ນຢູ່ທີ່ປັກກິ່ງໃນວັນທີ8ກຸມພານີ້ມີ"ພື້ນຖານທີ່ໄດ້ຮັບຄວາມຄືບໜ້າ".
ທ່ານຮິວເວົ້າວ່າ,ກ່ຽວກັບບັນຫາຈັດການເຈລະຈາຫົກຝ່າຍຄືນໃໝ່,ອາເມລິກາໄດ້ຈັດການພົບປະສອງຕໍ່ສອງກັບຝ່າຍຕ່າງໆທີ່ກ່ຽວຂ້ອງ ເຊິ່ງລວມທັງສ.ປ.ປ.ເກົາຫຼີ.ທ່ານເວົ້າວ່າ,ເຖິງວ່າການເຈລະຈາຫົກຝ່າຍທີ່ຈະຈັດຂຶ້ນໃນເດືອນນີ້ບັນລຸໃຫ້ແຫຼມເກົາຫຼີປອດນີວເຄຼຍນັ້ນບໍ່ໄດ້ກໍ່ຕາມ,ແຕ່ອາເມລິກາຫວັງວ່າ,ບົນພື້ນຖານການເຈລະຈາຄັ້ງນີ້ ຈະມີ"ການເລິ່ມຕົ້ນທີ່ມີລັກສະນະທາດແທ້".
ທ່ານຮິວກ່າວເນັ້ນວ່າ,ຈຸດປະສົງທີ່ຈັດການເຈລະຈາຫົກຝ່າຍກໍ່ແມ່ນຈັດຕັ້ງປະຕິບັດ"ຖະແຫຼງການຮ່ວມຂອງການເຈລະຈາຫົກຝ່າຍຮອບ4"ທີ່ໄດ້ຕົກລົງກັນໃນເດືອນກັນຍາປີ2005.
|