|
|
 |
| (GMT+08:00)
2007-02-06 15:03:02
|
 |
|
ປະທານຄະນະກຳມາທິການສະຫະພາບເອີລົບອວຍພອນບຸນກຸດຈີນ
cri
Author: da
ຕາມຂ່າວສານຊິນຮວາ: ຕອນຄ່ຳວັນທີ 5 ກຸມພານີ້ ຢູ່ບຣຸກແຊນ ທ່ານດູຣາວ ບາໂຣໂຊ ປະທານຄະນະກຳມາທິການສະຫະພາບເອີລົບໄດ້ອວຍພອນບຸນກຸດຈີນ,ອວຍພອນປະຊາຊົນຈີນມີຄວາມມ່ວນຊື່ນໃນບຸນກຸດຈີນແລະຈະເລີນໃນປີກູນ.
ຕອນຄ່ຳມື້ດຽວກັນ ທ່ານບາໂຣໂຊໄປເປັນແຂກຢູ່ທີ່ເຮືອນພັກຂອງທ່ານເອກອັກຄະລັດຖະທູດກວ່ນເສີງຢວນ ຫົວໜ້າຄະນະທູດຈີນປະຈຳສະຫະພາບເອີລົບ,ກ່ອນງານລ້ຽງອາຫານ ທ່ານໄດ້ອວຍພອນບຸນກຸດຈີນ. ທ່ານບາໂຣໂຊເວົ້າວ່າ,ຂ້າພະເຈົ້າຂໍຕາງໜ້າຄະນະກຳມາທິການສະຫະພາບເອີລົບ,ອວຍພອນປະຊາຊົນຈີນຈົ່ງມີຄວາມມ່ວນຊື່ນໃນບຸນກຸດຈີນ.ອວຍພອນພວກທ່ານແລະຄອບຄົວຈົ່ງມີຄວາມຈະເລີນຮຸ່ງເຮືອງໃນໜ້າທີ່ວຽກງານ ມີຄວາມສຸກໃນດ້ານຊີວິດການເປັນຢູ່ ແລະສຸຂະພາບແຂງແຮງໃນປີໃໝ່.
ທ່ານບາໂຣໂຊເວົ້າວ່າ,ປີໃໝ່ຈະແມ່ນປີສຳຄັນທີ່ສຸດຂອງການຂະຫຍາຍການພົວພັນເອີລົບຈີນ,ຍອດມູນຄ່າການຄ້າເອີລົບຈີນປະຈຳປີມີຫຼາຍກວ່າ 200 ຕື້ເງິນເອີໂລ,ສະຫະພາບເອີລົບແມ່ນຄູ່ການຄ້າໃຫຍ່ອັນດັບ 1 ຂອງຈີນ.ນີ້ແມ່ນຄວາມຄືບໜ້າອັນຍິ່ງໃຫຍ່ອັນໜຶ່ງໃນການພົວພັນລະຫວ່າງສອງຝ່າຍ.
|
|
|
