|
|
 |
| (GMT+08:00)
2007-02-06 15:45:36
|
 |
|
ສປປເກົາຫຼີມີເຈດຈຳນົງປຶກສາຫາລືໃນບັນຫາກ່ຽວກັບການປະຕິບັດຖະແຫຼງການຮ່ວມ
cri
Author: da
ຕາມຂ່າວCRI:ວັນທີ 5 ກຸມພານີ້ ຢູ່ໂຕກຽວ ທ່ານຄຼິສໂດເຟີ ຮິວ ຜູ່ຊ່ວຍລັດຖະມົນຕີຊ່ວຍວ່າການກະຊວງການຕ່າງປະເທດ ຫົວໜ້າຄະນະຜູ່ແທນອາເມລິກາກ່ຽວກັບການເຈລະຈາ 6 ຝ່າຍໃນບັນຫານິວເຄຼຍແຫຼມເກົາຫຼີກ່າວວ່າ,ທ່ານເຊື່ອວ່າ ໃນກອງປະຊຸມໄລຍະທີ 3 ຂອງການເຈລະຈາ 6 ຝ່າຍຮອບ 5 ທີ່ໃກ້ຈະຈັດຂຶ້ນ ຄະນະຜູ່ແທນສປປເກົາຫຼີມີເຈດຈຳນົງປຶກສາຫາລືບັນຫາກ່ຽວກັບການປະຕິບັດຖະແຫຼງການຮ່ວມ.
ໃນເວລາໃຫ້ສຳພາດຢູ່ສະໜາມບິນທີ່ໂຕກຽວ ທ່ານຮິວກ່າວວ່າ,ພວກຂ້າພະເຈົ້າເຊື່ອວ່າ,ໃນການເຈລະຈາເທື່ອນີ້,ສປປເກົາຫຼີມີເຈດຈຳນົງປຶກສາຫາລືບັນຫາກ່ຽວກັບການປະຕິບັດຖະແຫຼງການຮ່ວມທີ່ປະກາດໃນການເຈລະຈາ 6 ຝ່າຍຮອບ 4 .
ໂດຍແນໃສ່ຄວາມຮຽກຮ້ອງຂອງຝ່າຍສປປເກົາຫຼີທີ່ສະໜອງນ້ຳມັນໜັກ,ທ່ານຮິວຊີ້ອອກວ່າ,ການຊ່ວຍເຫຼືອສະໜັບສະໜູນໃນດ້ານເສດຖະກິດແລະພະລັງງານໄດ້ຖືກຈັດເຂົ້າຖະແຫຼງການຮ່ວມແລ້ວ.ທ່ານກ່າວຢ້ຳວ່າ,ຖະແຫຼງການຕ້ອງໄດ້ຮັບການປະຕິບັດຮອບດ້ານ,ແລະກ່າວວ່າ ບັນຫານີ້ຈະຖືກຖືເປັນຫົວຂໍ້ປຶກສາຫາລືໃນຕໍ່ໜ້າ.
|
|
|
