|
|
 |
| (GMT+08:00)
2007-02-07 20:25:37
|
 |
|
ຄະນະຜູ້ແທນຝ່າຍຕ່າງໆຂອງການເຈລະຈາຫົກຝ່າຍທະຍອຍກັນມາຮອດປັກກິ່ງ
cri
ຕາມຂ່າວສານຊີນຮວາ,ວັນທີ7ກຸມພານີ້,ຄະນະຜູ້ແທນຣັດເຊຍ ອາເມລິກາ ຍີ່ປຸ່ນແລະສ.ເກົາຫຼີໄດ້ທະຍອຍກັນເດີນທາງມາຮອດປັກກິ່ງເພື່ອເຂົ້າຮ່ວມກອງປະຊຸມໄລຍະທີ3ຂອງການເຈລະຈາຫົກຝ່າຍຮອບທີ5ກ່ຽວກັບບັນຫານິວເຄຼຍແຫຼມເກົາຫຼີທີ່ຈະຈັດຂຶ້ນໃນວັນທີ8ກຸມພານີ້.
ຕອນເຊົ້າວັນທີ7ກຸມພາ,ຄະນະຜູ້ແທນຣັດເຊຍທີ່ນຳໂດຍທ່ານອາເລັກແຊນເດີ ໂລຊິວກົຟ ລັດຖະມົນຕີຊ່ວຍວ່າການກະຊວງການຕ່າງປະເທດຣັດເຊຍໄດ້ເດີນທາງມາຮອດປັກກິ່ງ.ຄະນະຜູ້ແທນອາເມລິກາທີ່ນຳໂດຍທ່ານຄຼິສໂຕເຟີ ຮິວ ຜູ້ຊ່ວຍລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາ ຄະນະຜູ້ແທນຍີ່ປຸ່ນທີ່ນຳໂດຍທ່ານເຄນີຊີໂຣ ຊາຊາເອ ຫົວໜ້າກົມອາຊີໂອຊຽນນີຂອງກະຊວງການຕ່າງປະເທດຍີ່ປຸ່ນແລະຄະນະຜູ້ແທນສ.ເກົາຫຼີທີ່ນຳໂດຍທ່ານຊຸນຢຸງອູ ຜູ້ຊ່ອຍລັດຖະມົນຕີຊ່ວຍວ່າການກະຊວງການຕ່າງປະເທດແລະການຄ້າສ.ເກົາຫຼີໄດ້ເດີນທາງມາຮອດປັກກິ່ງໃນຕອນບ່າຍວັນທີ7ກຸມພານີ້.
ຫຼັງຈາກເດີນທາງມາຮອດປັກກິ່ງແລ້ວ,ທ່ານຮິວກ່າວວ່າ,ກອງປະຊຸມໄລຍະນີ້ສຳຄັນທີ່ສຸດ,ຝ່າຍຕ່າງໆລ້ວນແຕ່ຫວັງໃຫ້ການເຈລະຈາຈະໄດ້ຮັບຜົນສຳເລັດ.ທ່ານຊຸນຢຸງອູກ່າວວ່າ,ຫວັງໃຫ້ກອງປະຊຸມໄລຍະນີ້ຈະກາຍເປັນໂອກາດທີ່ສປປເກົາຫຼີຈັດຕັ້ງປະຕິບັດຄຳໝັ້ນສັນຍາປອດນິວເຄຼຍໃຫ້ເປັນຈິງ.ມື້ດຽວກັນ,ກ່ອນຈະອອກຈາກມົສກູ,ທ່ານໂລຊິວຄົຟກ່າວວ່າ,ການເຈລະຈາຫົກຝ່າຍຈະໄດ້ຮັບຜົນຫຼືບໍ່,ສ່ວນຫຼາຍແມ່ນຢູ່ນຳຫຼັກໝັ້ນຂອງອາເມລິກາແລະສປປເກົາຫຼີ.
ວັນທີ7ກຸມພານີ້,ທ່ານອູຕ້າເຫວີຍ ຫົວໜ້າຄະນະຜູ້ແທນຈີນຈະແຍກກັນຈັດການປຶກສາຫາລືສອງຕໍ່ສອງກັບຫົວໜ້າຄະນະຜູ້ແທນອາເມລິກາ ສ.ເກົາຫຼີ ຣັດເຊຍແລະຍີ່ປຸ່ນ.
|
|
|
