|
ກອງປະຊຸມໄລຍະທີ 3 ຂອງການເຈລະຈາ 6 ຝ່າຍຮອບ 5 ຈະຈັດກອງປະຊຸມຫົວໜ້າຄະນະ
cri
Author: mo
ຕາມຂ່າວCRI: ວັນທີ 11 ກຸມພານີ້, ກອງປະຊຸມໄລຍະທີ 3 ຂອງການເຈລະຈາ 6 ຝ່າຍຮອບ 5 ກ່ຽວກັບບັນຫານິວເຄຼຍແຫຼມເກົາຫລີສືບຕໍ່ຈັດຂຶ້ນຢູ່ປັກກິ່ງ, ຕາມຂ່າວຈາກສູນຖະແຫຼງຂ່າວຂອງການເຈລະຈາ 6 ຝ່າຍ, ຕອນບ່າຍ, ໄດ້ຈັດກອງປະຊຸມຫົວໜ້າຄະນະຜູ້ແທນ.
ຕອນເຊົ້າ, ຈີນກັບສ.ເກົາຫລີ, ຈີນກັບສປປເກົາຫຼີ, ແລະຈີນກັບອາເມລິກາຕ່າງໄດ້ຈັດການປຶກສາຫາລືກັນສອງຕໍ່ສອງ. ຕອນທ່ຽງ, ສ.ເກົາຫລີກັບຣັດເຊຍໄດ້ຈັດການພົບປະກິນເຂົ້າທ່ຽງ. ຕ່ອນບ່າຍ, ຈີນກັບຣັດເຊຍຍັງໄດ້ຈັດການປຶກສາຫາລືກັນສອງຕໍ່ສອງ.
ຕອນເຊົ້າມື້ດຽວກັນ, ທ່ານອາເລັກຊານເດີ ລູສິວຄົຟ ຫົວໜ້າຄະນະຜູ້ແທນຣັດເຊຍຂອງການເຈລະຈາ 6 ຝ່າຍກ່າວວ່າ, ປັດຈຸບັນ, ຝ່າຍຕ່າງໆບໍ່ທັນໄດ້ກ້າວເຖິງຂັນມີຄວາມເຫັນເປັນເອກະສັນກັນໃນບັນຫາ ຈຳນວນ ເວລາຈຳກັດ ແລະຮູບການຊ່ອຍເຫຼືອທີ່ສະໜອງໃຫ້ສປປເກົາຫລີ. ພ້ອມກັນນັ້ນ, ທ່ານກ່າວວ່າ, ການເຈລະຈາກໍແມ່ນໝາກຜົນ. ທ່ານຊຸນຢຸງອູ ຫົວໜ້າຄະນະຜູ້ແທນສ.ເກົາຫຼີກ່າວວ່າ, ບັນຫາຈຸດສຸມໃນປັດຈຸບັນແມ່ນຝ່າຍຕ່າງໆປະສານບາດກ້າວທີ່ສອດຄ່ອງກັບມາດຕະການປອດນິວເຄຼຍຂອງສປປເກົາຫລີແນວໃດ. ທ່ານເຄນີຊີໂຣ ຊາຊາເອ ຫົວໜ້າຄະນະຜູ້ແທນຍີ່ປຸ່ນກ່າວວ່າ, ໃນບັນຫາທົດແທນ, ສປປເກົາຫລີໄດ້ສະເໜີຄວາມຮຽກຮ້ອງສູງໂພດ, ຖ້າຝ່າຍສປປເກົາຫລີບໍ່ພິຈາລະນາຄືນໃໝ່, ການກ້າວເຖິງຂັ້ນເຊັນສັນຍາຈະແມ່ນຫຍຸ້ງຍາກທີ່ສຸດ.
|
|
