|
ນາຍົກລັດຖະມົນຕີອີຣັກປະກາດຢ່າງເປັນທາງການວ່າເລີ່ມປະຕິບັດແຜນການໃໝ່ກ່ຽວກັບຄວາມປອດໄພແບກແດດ
cri
Author: mo
ຕາມຂ່າວCRI: ວັນທີ 14 ກຸມພານີ້ ຢູ່ເມືອງຄານບາລາ ເມືອງຢູ່ທາງໃຕ້ຂອງແບກແດດ, ທ່ານນູລີ ອານ ມາລີຄີ ນາຍົກລັດຖະມົນຕີອີຣັກປະກາດຢ່າງເປັນທາງການວ່າ, ລັດຖະບານອີຣັກໄດ້ເລີ່ມປະຕິບັດແຜນການໃໝ່ກ່ຽວກັບຄວາມປອດໄພແບກແດດ.
ຕາມຊາບວ່າ, ແຜນການດັ່ງກ່າວມີມາດຕະການຄວາມປອດໄພຕ່າງໆເຊັ່ນປິດຊາຍແດນກັບອີຣານແລະຊີຣີ 72 ຊົ່ວໂມງ, ໃຊ້ຫຼາຍມາດຕະການໂຈມຕີກຸ່ມປະກອບອາວຸດ, ແກ່ຍາວເວລາການຫ້າມສັນຈອນຢູ່ແບກແດດໃນຕອນກາງຄືນ, ເປີດກວ້າງສິດບັນຊາກອງທະຫານແລະຕຳຫຼວດອີຣັກ ແລະອື່ນໆ.
ມື້ດຽວກັນ, ທ່ານມາລີຄີໃຫ້ສຳພາດໂດຍຊີ້ອອກວ່າ, ລັດຖະບານອີຣັກມີຄວາມຕັດສິນໃຈປະຕິບັດແຜນການດັ່ງກ່າວ, ເພື່ອຟື້ນຟູລະບຽບກົດໝາຍຂອງລັດ.
ວັນທີ 14 ກຸມພານີ້, ໃນງານຖະແຫຼງຂ່າວທີ່ຈັດຂຶ້ນຢູ່ທຳນຽບຂາວ, ທ່ານຈອດ ບຸສ ປະທານາທິບໍດີອາເມລິກາປະກາດວ່າ, ອາເມລິກາຈະສົ່ງທະຫານໄປເພິ່ມຕື່ມຢູ່ອີຣັກຕາມເວລາກຳນົດ. ທ່ານເວົ້າວ່າ, ເຊື່ອວ່າ, ການໄດ້ຜົນສຳເລັດຢູ່ອີຣັກຈະມີຜົນດີຕໍ່ການປົກປັກຮັກສາຄວາມປອດໄພຂອງດິນແດນອາເມລິກາ.
|
|
