|
|
 |
| (GMT+08:00)
2007-02-16 17:10:21
|
 |
|
ຜູ້ນຳປະເທດອາຟຼິກາກ່າວວ່າເງື່ອນໄຂການຄ້າກັບຕ່າງປະເທດຂອງອາຟຼິກາຊຸດໂຊມລົງໄດ້ກະທົບການພັດທະນາເສດຖະກິດ
cri
ຕາມຂ່າວສານຊີນຮວາ,ວັນທີ15ກຸມພານີ້,ທ່ານບຼາສ ຄອມພໍເຣ ປະທານາທິບໍດີບູກີນາຟາໂຊທີ່ພວມເຂົ້າຮ່ວມກອງປະຊຸມສຸດຍອດຝຣັ່ງອາຟຼິກາຄັ້ງທີ24ຢູ່ຝຣັ່ງນັ້ນກ່າວວ່າ,ເງື່ອນໄຂການຄ້າກັບຕ່າງປະເທດຂອງອາຟຼິກາຊຸດໂຊມລົງເລື້ອຍໆນັ້ນໄດ້ພາໃຫ້ອັດຕາສ່ວນລະຫວ່າງຂາເຂົ້າຂາອອກຂາດດຸນກັນແລະມີໜີ້ສິນຫຼາຍຂຶ້ນ,ທັງນີ້ໄດ້ຂັດຂວາງການພັດທະນາຂອງເສດຖະກິດປະເທດອາຟຼິກາ.
ມື້ດຽວກັນ,ໃນເວລາເປັນປະທານງານປຶກສາຫາລືທີ່ມີຫົວຂໍ້"ບັນຫາອາຟຼິກາແລະວັດຖຸດິບ"ຂອງກອງປະຊຸມສຸດຍອດຄັ້ງນີ້,ທ່ານຄອມພໍເຣກ່າວວ່າ,ອາຟຼິກາມີຊັບພະຍາກອນທຳມະຊາດອັນອຸດົມສົມບູນ,ແຕ່ມູນຄ່າໂຄດາໃນການຄ້າໂລກຊ້ຳພັດໜ້ອຍທີ່ສຸດ.ທ່ານເຫັນວ່າ,ນີ້ແມ່ນຍ້ອນການສົ່ງອອກວັດຖຸດິບຂອງປະເທດອາຟຼິກາກວມອັດຕາສ່ວນຫຼາຍເກີນໄປ,ຈຶ່ງບໍ່ໄດ້ພັດທະນາເປັນອຸດສາຫະກຳປຸງແຕ່ງຜະລິດຕະພັນຂັ້ນຕົ້ນທີ່ເຂັ້ມແຂງ.
ທ່ານຄອມພໍເຣໄດ້ຕິຕຽນບາງປະເທດອຸດສາຫະກຳຝ່າຍຕາເວັນຕົກທີ່ມີເຈຕະນາໂດຍຕະຫຼອດເພື່ອກົດລາຄາວັດຖຸດິບໃນຕະຫຼາດສາກົນ,ແລະຕິຕຽນປະເທດເອີລົບແລະອາເມລິກາທີ່ສະໜອງເງິນເກື້ອກູນຫຼວງຫຼາຍໃຫ້ແກ່ກະສິກຳຂອງປະເທດຕົນເຊິ່ງໄດ້ກົດລາຄາຜະລິດຕະພັນກະສິກຳໃນຕະຫຼາດສາກົນ,ແລະໄດ້ຂັດຂວາງການສົ່ງອອກຜະລິດຕະພັນກະສິກຳຂອງປະເທດອາຟຼິກາ.
|
|
|
