|
|
 |
| (GMT+08:00)
2007-02-16 18:10:03
|
 |
|
ທ່ານອາບາສຮັບຮອງຄຳລາອອກຈາກຕຳແໜ່ງຂອງທ່ານຮານີເຢ ແລະມອບໝາຍໃຫ້ທ່ານປະກອບລັດຖະບານໃໝ່
cri
Author: da
ຕາມຂ່າວCRI:ຕອນຄ່ຳວັນທີ15ກຸມພານີ້ ຢູ່ເມືອງກາຊາ ທ່ານອິສເມວ ຮານີເຢ ນາຍົກລັດຖະມົນຕີລັດຖະບານປົກຄອງຕົນເອງປາເລັສຕີນໄດ້ຍື່ນຄຳລາອອກຈາກຕຳແໜ່ງໃຫ້ທ່ານອາບາສ ປະທານອົງການອຳນາດແຫ່ງຊາດປາເລັສຕີນ,ທ່ານອາບາສຮັບຮອງຄຳລາຂອງທ່ານຮານີເຢແລະມອບໝາຍໃຫ້ທ່ານປະກອບລັດຖະບານປະສົມແຫ່ງຊາດຊຸດໃໝ່.
ທ່ານອາບາສຮຽກຮ້ອງທ່ານຮານີເຢໂຄລົບມະຕິທີ່ກ່ຽວຂ້ອງຂອງປະຊາຄົມໂລກແລະສັນຍາສະບັບຕ່າງໆທີ່ເຊັນກັບອົງການປົດປ່ອຍປາເລັສຕີນ;ໂຄລົບສັນຍາສະບັບຕ່າງໆທີ່ປາເລັສຕີນກັບອິສຣາແອນເຊັນກັນ. ຫຼັງຈາກໄດ້ຮັບການມອບໝາຍແລ້ວ ທ່ານຮານີເຢກ່າວວ່າ,ມື້ດຽວກັນ ທ່ານເລີ່ມເຈລະຈາກັບບັນດາພັກຝ່າຍຂອງປາເລັສຕີນ,ເພື່ອປະກອບລັດຖະບານປະສົມໂດຍໄວ.
ນອກນີ້ ຂ່າວແຈ້ງວ່າ,ວັນທີ 15 ກຸມພາ ທ່ານໂທນີ ສໂນ ໂຄສົກທຳນຽບຂາວອາເມລິກາກ່າວວ່າ,ລັດຖະບານປາເລັສຕີນໃນອະນາຄົດຈະຮັບຮອງສິດຊົງຕົວຂອງອິສຣາແອນ,ຢຸດການເຄື່ອນໄຫວກຳລັງຮຸນແຮງທີ່ແນໃສ່ອິສຣາແອນ,ທັງຮັບຮອງເອົາສັນຍາສະບັບຕ່າງໆທີ່ປາເລັສຕີນກັບອິສຣາແອນເຊັນກັນ.
ວັນທີ15ກຸມພາ ທ່ານເອຮຸດ ໂອເມີດ ນາຍົກລັດຖະມົນຕີອິສຣາແອນທີ່ໄປຢາມຕວກກີໄດ້ກ່າວວ່າ,ລັດຖະບານປະສົມແຫ່ງຊາດປາເລັສຕີນທີ່ຈະສ້າງຕັ້ງຂຶ້ນຄວນປະຕິບັດເຈດຈຳນົງທີ່ເປັນຫຼັກການຂອງ4ຝ່າຍທີ່ກ່ຽວຂ້ອງກັບບັນຫາຕາເວັນອອກກາງຄືສະຫະປະຊາຊາດ ສະຫະພາບເອີລົບ ອາເມລິກາແລະຣັດເຊຍ,ປະລະກຳລັງຮຸນແຮງ,ຮັບຮອງອິສຣາແອນ,ແລະຮັບຮອງສັນຍາສັນຕິພາບທີ່ປາເລັສຕີນກັບອິສຣາແອນເຊັນກັນ.
|
|
|
