|
ຜູ້ຊ່ຽວຊານກ່າວວ່າ, ມວນມະນຸດມີຄວາມສາມາດຮັບມືກັບພະຍາດໄຂ້ຫວັດສັດປີກທີ່ລະບາດໃນໝູ່ຄົນ
cri
Author: mo
ຕາມຂ່າວສານຊີນຮວາ: ຜູ້ຊ່ຽວຊານ 100 ກວ່າຄົນຂອງອົງການອະນາໄມໂລກແລະອົງການກ່ຽວຂ້ອງອື່ນໆໄດ້ຈັດກອງປະຊຸມຢູ່ທີ່ເຊີແນວເປັນເວລາ 2 ມື້, ໄດ້ຫາລືສະພາບການຄົ້ນຄວ້າຜະລິດວັກແຊງໄຂ້ຫວັດສັດປີກໃນໂລກປັດຈຸບັນ. ວັນທີ 16 ກຸມພານີ້, ຫຼັງຈາກກອງປະຊຸມສິ້ນສຸດລົງແລ້ວ, ຜູ້ຊ່ຽວຊານທີ່ກ່ຽວຂ້ອງກ່າວວ່າ, ຖ້າພະຍາດໄຂ້ຫວັດສັດປີກລະບາດໃນໝູ່ຄົນ, ເມື່ອຮູ້ຈັກເຊື້ອພະຍາດແລ້ວ, ພໍ່ຄ້າຜະລິດຢາໃນປັດຈຸບັນກໍມີຄວາມສາມາດຄົ້ນຄວ້າຜະລິດວັກແຊງໄຂ້ຫວັດສັດປີກປະເພດຮ້າຍແຮງແບບH5N1ໃນໝູ່ຄົນພາຍໃນ 3 ເດືອນ.
ປັດຈຸບັນ, ແຫ່ງຕ່າງໆຂອງໂລກຍັງໄດ້ປະກົດເຫັນພະຍາດໄຂ້ຫວັດສັດປີກເລື້ອຍໆ. ວັນທີ 16 ກຸມພານີ້, ກະຊວງສາທາລະນະສຸກເອຢິບຢືນຢັນວ່າ, ເດັກຊາຍເອຢິບອາຍຸ 5 ປີຜູ້ໜຶ່ງຢູ່ເຂດສາມຫຼ່ຽມປາກແມ່ນ້ຳນິນຖືກບົ່ງມະຕິວ່າໄດ້ຕິດເຊື້ອພະຍາດໄຂ້ຫວັດສັດປີກປະເພດຮ້າຍແຮງH5N1. ມື້ດຽວກັນ, ທ່ານເກນນາດີ ໂອນີແຊັນໂຄ ຫົວໜ້ານັກປ້ອງກັນພະຍາດຣັດເຊຍຢືນຢັນວ່າ, ຢູ່ຊານເມືອງມົສກູໄດ້ມີສັດປີກທີ່ລ້ຽງຕາຍຍ້ອນພະຍາດໄຂ້ຫວັດສັດປີກ.
|
|
